رێكخەری گشتی بزوتنەوەی گۆڕان لەگەڵ رایەڵەی پێشمەرگە دێرینەكان كۆدەبێتەوە
28/12/2025
D هەواڵ و چالاکی
ئەمڕۆ یەكشەممە (٢٨ی١٢ی٢٠٢٥)
دانا ئەحمەد مەجید، رێكخەری گشتی بزوتنەوەی گۆڕان لە مەكۆی سەرەكی، لەگەڵ رایەڵەی
پێشمەرگە دێرینەكانی سلێمانی كۆبوەوە.
لە كۆبونەوەكەدا گوزارەنی موچەخۆران و هاوڵاتیان و كێشە سیاسی و
داراییەكانی نێوان هەولێر و بەغدا، دۆخی هەرێمی كوردستان و عێراق و ناوچەكە و
دواین پێشهات و ئاڵنگارییەكان گفتوگۆی لەبارەوەكرا، هاوكات دۆخی ناوخۆیی بزوتنەوەی
گۆڕان و پێشهاتە نوێیەكان تاوتوێكرا.
لای خۆیەوە رێكخەری گشتی جەختی لە رۆڵ و كاریگەری پێشمەرگە دێرینەكان
كردەوە وەك پایەیەكی گرنگی بزوتنەوەی گۆڕان، هاوكات تیشكی خستە سەر پەیوەندییەکانی
نێوان هەرێم و بەغدا و پێویستی ڕیكخستنەوەی لەسەر بنەمای دەستور، لەبارەی قەیرانی
دارایی و بەردەوامیی کێشەی مووچەی فەرمانبەران جەختکرایەوە لەوەی بژێوی
هاونیشتمانیان نەکرێتە قوربانی ململانێی سیاسیی و زاڵکردنی هەژمونی حزبی بەسەر
بەرژەوەندییە باڵاکانی کوردستان .
لەبارەی دۆخی ناوخۆیی بزووتنەوەکەوە، ڕێکخەری گشتی ئاماژەی بە هەوڵ و كاركردنی
تەواوی ئۆرگانەکان كرد بۆ هەنگاوەكانی خۆڕێكخستنەوە و بەستنی دوو کۆنفرانس و
دیداری گۆڕانخوازان دوپاتی كردەوە كە بۆ هەنگاوەکانی داهاتووش، بزوتنەوەکە
چاوەڕوانی بڕیارەکانی کۆمسیۆنی باڵای سەربەخۆی هەڵبژاردنەکانە.
هاوكات
بەشدارانی كۆبونەوەكە سەرنج و پیشنیاز و بۆچوونەكانیان خستەڕو، بەگەڕخستنی تەواوی
هەوڵەكانیان بۆ پشتگیری بزوتنەوەی گۆڕان دوپات كردەوە.