بزوتنه‌وه‌ی گۆڕان په‌یامێكی پیرۆزبایی ئاڕاسته‌ی حیزبی شیوعی ده‌كات
31/03/2021
ڕاگەیەندراوی فەرمی
به‌بۆنه‌ی هه‌شتاوحه‌وته‌مین ساڵیادی دامه‌زراندنی (حیزبی شیوعی كوردستان)ه‌وه بزوتنه‌وه‌ی گۆڕان، په‌یامێكی پیرۆزبایی ئاڕاسته‌ی ئه‌م حیزبه ده‌كات.
بزوتنه‌وه‌ی گۆڕان له په‌یامه‌كه‌یدا ده‌ڵێت: گه‌له‌كه‌مان له‌مڕۆدا له هه‌موكات زیاتر پێوستی به ئاشته‌وایی سیاسی و كۆمه‌ڵایه‌تی، هاوكاری هه‌مو لایه‌ك هه‌یه بۆ گه‌یشتن به خواسته نیشتیمانی و نه‌ته‌وایه‌تیه‌كانمان.
ده‌قی په‌یامه‌كه‌ی بزوتنه‌وه‌ی گۆڕان.....
به‌رێزان سكرتێرو ئه‌ندامانی مه‌كته‌بی سیاسی و كۆمیته‌ی ناوه‌ندی و ئه‌ندا و لایه‌نگران و دۆستانی حیزبی شیوعی كوردستان و عێراق
بابه‌ت/ پیرۆزبایی
به‌ناوی ڕێكخه‌ری گشتی و خانه‌ی ڕاپه‌ڕاندن وجڤاتی نیشتیمانی و گشتی و هه‌ڵسوڕاوانی بزوتنه‌وه‌ی گۆڕانه‌وه پیرۆزبایی هه‌شتاوحه‌وته‌مین ساڵیادی دامه‌زراندنی حزبه تێكۆشه‌ره‌كه‌تان ده‌كه‌ین.
رۆل و كاریگه‌ری حزبه‌كه‌تان له مێژوی تێكۆشانتانا به‌رز ده‌نرخێنین، گه‌له‌كه‌مان له‌مڕۆدا له هه‌موكات زیاتر پێوستی به ئاشته‌وایی سیاسی و كۆمه‌ڵایه‌تی هاوكاری هه‌مو لایه‌ك هه‌یه بۆ گه‌یشتن به خواسته نیشتیمانی و نه‌ته‌وایه‌تیه‌كانمان.
وێڕای پیرۆزبایمان جه‌خت له په‌یوه‌ندی دۆستانه‌مان ده‌كه‌ینه‌وه.
له‌گه‌ڵ ڕێزدا
بزوتنه‌وه‌ی گۆڕان
31/3/2021