ژورا رۆژنامه‌ڤانیا گۆڕان: ئازادیا رۆژنامه‌ڤانیێ د پاشكه‌شه‌یێ دایه
22/04/2021
ڕاگەیەندراوی فەرمی
بزاڤا گۆڕان په‌یامه‌ك به‌لاڤكر و ڕاگه‌هاند: ب ئه‌ركێ حكومه‌تێ و دام و ده‌زگه‌هان دزانین كار بۆ جێبه‌جێكرنا یاسایا كارێ رۆژنامه‌ڤانیێ و مافێ بده‌ستخستنا زانیاریان بهێته كرن.
ب هه‌لكه‌فتا (123) ساڵیا دامه‌زراندنا رۆژنامه‌یا كوردی ژۆرا رۆژنامه‌ڤانیا بزاڤا گۆڕان په‌یامه‌كا پیرۆزباهیێ ئاراسته‌یی رۆژنامه‌ڤان و نڤیسه‌ر و ئازادیخۆازان دكه‌ت و رادگه‌هەینت:
ل هه‌رێما كوردستانێ ئازادیا ڕاده‌ربرینێ و رۆژنامه‌ڤانیێ د پاشكه‌شه‌یێ دایه، میدیا و میدیاكار بێ رۆل دهێنه كرن، میدیایا فه‌یك و نه‌به‌رپرس د زێده‌بوونێ دایه، ب پلان كار بۆ شێواندنا ڕاستیان و تێكدانا ئاشتیا جڤاكی دهێته‌كرن.
(123) ساڵان به‌ری نها، ئێكه‌مین رۆژنامه‌یا كوردی ژ ئالیێ به‌درخانیان ڤه ل قاهیره‌یا پایته‌ختێ مسرێ هاته چاپكرن و به‌لاڤكرن.
ده‌ما کو په‌یڤا كوردی لسه‌ر كاغه‌زا رۆژنامه‌یێ دهێته چاپكرن، جڤاكا كوردی د قوناغا شكه‌ستنا میرگه‌هێن كوردی دا بوو و د ژێر ده‌ستهه‌لاتا ده‌وڵه‌تا عوسمانی دا بوو كو خرابیا ئیداره‌دانێ و گه‌نده‌ڵی و نه‌خوێنده‌واری به‌رلاڤ ببوو.
هه‌ر ژبه‌ر وێیه‌كێ ناڤه‌روكا گۆتاران و نڤیسینان ب ئامانجا ئێكسختنا نه‌ته‌وه به‌ڵاڤكرنا هوشیاری و داخازا ڕیفورمێ و نه‌هێلانا گه‌نده‌ڵیێ بوو.
دده‌مه‌كیدا ئه‌م سالڤه‌گه‌را رۆژنامه‌یا كوردی دكه‌ین پیرۆزباهیا گه‌رم ئاراسته‌یی رۆژنامه‌ڤن و نڤیسه‌ران و ئازادیخوازێن كورد دكه‌ین، ب باوه‌ریا مه ئازادیا ده‌ربرینێ و رۆژنامه‌ڤانیێ د پاشكه‌شه‌یێ دایه, میدیا و میدیاكار بێ رۆل دهێنه كرن، میدیایا فه‌یك و نه‌به‌رپرس د گه‌شه‌بوونێ دایه، ب پلان كار بۆ شێوانددنا ڕاستیان و تێكدانا ئاشتیا جڤاكی دهێته‌كرن، زمانێ میدیایی بۆ ئاسته‌كێ نزم دابه‌زیه، به‌ڵاڤكرنا زانیاریێن نه راست و په‌یاما چه‌واشه‌كاریێ بازار بۆ دهێته كرن، هه‌ژماره‌یه‌كا سیاسیان ب پاره‌یێ گه‌نده‌ڵیێ قاچاخچیه‌تیێ پشته‌ڤانیا داراییا میدیا ئاراسته‌كری دكه‌ن، ل هه‌مبه‌ر ژی دا رۆلێ میدیا به‌رپرس كه‌فتیه د ژێر پرسیارێ دا.
هه‌رێما كوردستانێ كو پێدڤی ب چاكسازییا گشتگیره, ئه‌ڤ چاكسازیی ژی بێ هه‌بوونا ب میدیه‌كا ئازاد و رۆژنامه‌ڤانێن سه‌ربه‌خۆ كو ب ئاوایه‌كێ ئارام لدوف كه‌یسێن گه‌نده‌لیێ و خراب بكارئانینا ده‌ستهه‌لاتێ دیڤچوونێ بكه‌ت سه‌ر ناگریت.
بزاڤا گۆڕان باوه‌ریا ته‌مام ب میدیا ئازاد هه‌یه و پرۆژه‌یێ سیاسی ژی ب به‌رهه‌مێ میدیایا ئه‌هلی و ڕه‌وشنبیران و نڤیسه‌ران و ئازدیخوازان دزانین، د وی كڤانی دا ژی رۆڵێ رۆژنامه‌ڤانن و میدیایا ئازاد د رووبرووبونا گه‌نده‌لیێ دا، سه‌روه‌ریا یاسایێ و شه‌فافیه‌تێ و نیشاندانا شاشی و كێماسیێن به‌رپرسان ب فاكته‌ره‌كێ باش دزانین بۆ ده‌ربازكرنا ئاسته‌نگان.
هه‌ڤنشتیمانیێن كوردستانێ..
رۆژنامه‌ڤانێن خوشتڤی..
بزاڤا گۆڕان وه‌كه ئێك ژ پێكهێنه‌رێن كابینه‌یا نه‌هێ یا حكومه‌تا هه‌رێما كوردستانێ، باوه‌ریا ته‌مام ب ئاڤاكرنا حوكمرانیه‌كا باشه هه‌یه و كو ره‌وایه‌تیا سیایی ژ خه‌لكی وه‌ربگریت.
وی جورێ حوكمڕانیێ پێدڤی ب چالاككرنا كه‌نالێن په‌یوه‌ندیێ و زانیاری دان ب رۆژنامه‌ڤانن هه‌یه، چونكی بێ هه‌بوونا زانیاریێن راست، و بێ هه‌بوونا میدیایه‌كا ڕاستگۆ و پێنگاڤ هاڤێتن بۆ ڕیفۆرمێ ئه‌ركه‌كێ زه‌حمه‌ته.
هه‌ر ژبه‌ر وێیه‌كێ ب ئه‌ركێ حكومه‌تێ و داموده‌زگه‌هان دزانین كار بۆ جێبه‌جێكرنا یاسایا كارێ رۆژنامه‌ڤانیێ و مافێ بده‌ست خستنا زانیاریان بهێته‌كرن.
د دوماهیكێ دا سالڤگه‌را رۆژنامه‌ڤانیا كوردی ده‌رفه‌ته‌كه بۆ كو ده‌ستهه‌لاتا دادوه‌ری و دادگه‌هـ پێداچوونێ ب بریارا سزادنا كه‌یسا رۆژنامەڤانین بادینان دا بكه‌ت.
ژورا رۆژنامه‌ڤانیا بزاڤا گۆڕان
22ێ نیسانا 2021