بریارا په‌سه‌ندكرنا دادگه‌ها پێداچوونێ بۆ پێنج ده‌ستگیركریێن بادینان و حوكمدانا وانا ب شه‌ش ساڵێن زیندانیكرنێ ده‌ستپێكه‌كا مه‌ترسیداره
07/05/2021
ڕاگەیەندراوی فەرمی
بزاڤا گۆڕان وه‌كی به‌ری نها هه‌ڵۆیستێ فه‌رمیێ خۆ د رێیا فراكسیۆنا په‌رله‌مانێ كوردستانێ و ژورا یاسایی ئاشكرا كربوو, ب ئارمانجا به‌ره‌ڤانیكرنێ ژ پێگه‌هێ هه‌رێما كوردستانێ و باوه‌ری بوونا وه‌لاتیان ب دادگه‌هان. نابیت یاسا ب بیته ئامرازه‌ك بۆ سه‌ركوتكرنا ئازادییا سیاسی و شارستانی.
دیتنا نه گوهر یا بزاڤا گۆڕان ئه‌ڤه‌یه:
ئێكه‌م: ئازادییا راده‌ربرینی و رۆژنامه‌ڤانیێ بنه‌مایێ دیمۆكراسییه و زه‌وتكرنا وێ جهێ قه‌بوولكرنێ نینه.
دووێ: به‌ڵگه‌هێن ئه‌وێ كه‌یسێ و گرتیێن دی نه‌هاتنه سه‌لماندن و لاوازن.
سێ: كارێ سه‌ره‌كیێ دیپلۆماتكاران كومبوونه دگه‌لأ رۆژنامه‌ڤان و چالاكڤانێن سڤیل و تێوه‌گلانا وانا دڤێ كه‌یسێ دا نیشانه‌یا نه‌بوونا به‌ڵگانه و ده‌ستپیكه‌كا مه‌ترسیداره بۆ پێگه‌هێ هه‌رێما كوردستانێ.
چار: بسه‌ده‌ما وێ كه‌یسێ هه‌می نوونه‌راتیێن هه‌رێما كوردستانێ ل ئه‌مه‌ریكایێ و ئه‌ڵمانیا و وه‌لاتێن دن رووبرویێ زه‌حمه‌تیان دبن.
بۆ رێ گرتن ژ زیان گه‌هشتن ب هه‌رێما كوردستانێ به‌رێز رێكخه‌رێ گشتیێ بزاڤا گۆڕان دكومبوونا دگه‌ڵ به‌رێز سه‌رۆكێ هه‌رێما كوردستانێ دا, ته‌كه‌ز لسه‌ر بكارئینانا ده‌ستهلاتا یاسایی و به‌رده‌وامبوونا بزاڤان بوو رێزگرتنێ ل مافێ ئازادییا راده‌ربرینێ و جێبه‌جێكرنا عه‌داله‌تێ د كه‌یسا رۆژنامه‌ڤان و چالاكڤانێن بادینان دا كربوو.
دلێر عه‌بدولخالق
په‌یڤدارێ بزاڤا گۆڕان
6ی ئایارا 2021ێ