بزوتنەوەی گۆڕان، پیرۆزبایی یادی دامەزراندن لە یەکێتی دەکات
31/05/2021
ڕاگەیەندراوی فەرمی
بە بۆنەی (46)ەمین ساڵیادی دامەزراندنی یهكێتیی نیشتمانیی كوردستانهوه، بزوتنەوەی گۆڕان پیرۆزبایی لەو حیزبه دەکات و رایدەگەیەنێت؛ ئومێدەوارین پەرەپێدانی پەیوەندییەکانمان لەسەر بنەمای وەڵامدانەوەی پێداویستییەکانی خەڵک و سەرخستنی هاوپەیمانێتی کوردستان بێت.
لە بەیاننامەیەکدا، بزوتنەوەی گۆڕان بۆ یادی (46)ههمین ساڵەی دامەزراندنی یەکێتی نیشتمانی کوردستان، پیرۆزبایی لە هاوسەرۆکان و ئەنجومەنی سەرکردایەتی و تەواوی ئەندام و لایەنگرانی ئەو حزبە دەکات.
دەشڵێت: هیواخوازین ئەو یادە هاندەری زیاتری تەبایی و یەکگوتاریی کوردستانیان بێت لەسەر ئاستی عێراق. بۆ ناوخۆی هەرێمیش فاکتەری بەهێزکردنەوەی هەنگاوەکانی چاکسازی گشتگیر بێت بۆ خزمەتی هاوڵاتیان.
لەبارەی پەیوەندییەکانی نێوانیان، بزوتنەوەی گۆران دەڵێت: ئومێدەوارین پەرەپێدانی پەیوەندییەکان لەسەر بنەمای وەڵامدانەوەی پێداویستی خەڵک و سەرخستنی هاوپەیمانێتی کوردستان بێت بۆ هەڵبژاردنی داهاتوی ئەنجومەنی نوێنەران.