راگهیهندراوێك له بزوتنەوەی گۆڕان-هوه
24/07/2021
ڕاگەیەندراوی فەرمی
بزوتنەوەی گۆڕان رایدهگهیهنێت؛ (١٢) ساڵ لەمەوبەر و لە
(٢٥ی٧ی٢٠٠٩)، لیستی گۆڕان سەرکەوتنێکی گەورەی بە پشتیوانی و دەنگی خەڵک بەدەستهێنا.
ئەو رۆژە لە مێژوی هاوچەرخی هەرێمی کوردستان وەک جەژنی دیموکراسی و دروستبونی هێزێکی
مەدەنی بەرگریکار لە خواست و داواکارییەکانی خەڵک ناسرا و سەرکەوتنی بەرنامەی سیاسیی
بزوتنهوهكهش بەندە بە زیادبونی پشتگیری جەماوەری و فشاری زیاتری دامەزراوەکانی
چاودێری و لێپرسینەوە بۆ پەیڕەوکردنی چاکسازی گشتگیر و هەمەلایەن.
به بۆنهی (12)یهمین ساڵیادی یهكهم بهشداری
سیاسییهوه كه (25) كورسی پهرلهمانی بهدهستهێنا، بزوتنهوهی گۆڕان راگهیهنردراوێك
لهژێر ناوی (٢٥ی ٧ رۆژی ئیرادەی گەلێک بۆ دادپەروەری) بڵاو دهكاتهوه و تێیدا
هاتوه؛ (١٢)
ساڵ لەمەوبەر و لە (٢٥ی٧ی٢٠٠٩)، لیستی گۆڕان سەرکەوتنێکی گەورەی بە پشتیوانی و دەنگی
خەڵک بەدەستهێنا، هێزێک لە رێی سندوقی دەنگدان و ململانێی مەدەنی خەباتی بۆ سەروەری
یاسا، بەگژداچونەوەی گەندەڵی، دادی کۆمەڵایەتی، شەفافیەت و بەرفراوانکردنی ئازادییەکان
دەستپێکرد. ئەمەش بووە وەرچەرخانێکی سیاسیی گرنگ لە نەخشەی سیاسیی ھەرێمی
کوردستان.
له
راگهیهندراوهكهدا هاوه؛ لەکاتێکدا ئەو یاد و مێژوە پڕشنگدارە بە بیر خەڵك و گۆڕانخوازانی
کوردستان دەهێنینەوە، جەخت لەوە دەکەینەوە بزوتنەوەی گۆڕان پڕۆژەی سیاسیە بۆ ئێستا
و داهاتوی هەرێمی کوردستان، پڕۆژەیەک هەڵقوڵاوی داخوازییەکانی هاونیشتمانیان و وەڵامدەرەوەی
پێداویستیە دیموکراتیەکانە، پڕۆژەیەک رۆژ دوای رۆژ زەرورییەتی جێبەجێکردنی بۆ چارەسەرکردنی
کێشە بنەڕەتیەکانی هەرێمی کوردستان زیاتر دەبێت، هەر ئەم فاکتەرەش وای کردوە بەرنامەی
سیاسیی بزوتنەوەی گۆڕان ببێتە خواستێکی گشتگیر و تەنانەت ئێستا وڵاتانی هاوپەیمانیش
فشار بۆ جێبەجێکردنی بکەن.
ههروهك
ئهوه دهخاتهڕو كه: جەژنی دیموکراسی خەڵکی کوردستان لە ٢٥ی٧ی٢٠٠٩دا، چیرۆکی سەرکەوتنی
ئیرادەی هاوڵاتیان و هەمو ئەو دەنگدەر و پشتیوان و هەڵسوڕاوانەیە کە بەگیانی بەرزی
نیشتمانی و چاکسازییەوە پشتیوانیان لە بزوتنەوەی گۆڕان کرد، هەربۆیە ئەمڕۆ رۆژی شانازییە
بۆ نەتەوەیەکی زیندو کە دەتوانێت گۆڕانکاری لەسەر شانۆی سیاسیی بکات و بە دیدێکی نەتەوەیی
و دیموکراتیانە هەنگاو بۆ ئایندەیەکی پڕشنگدارتر بنێت.
بزوتنهوهی گۆڕان له راگهیهندراوهكهیدا
ئاماژه بهوه دهكات كه دۆخی سیاسیی و ئیداری و ئەمنی و خزمەتگوزاری و سەقامگیری
عێراق خراپە، لەناو ئەم هاوکێشە ئاڵۆزەدا کێشە بنەڕەتیەکانی کورد لەوانە مادەی
(١٤٠) و مەلەفەکانی پێشمەرگە و دارایی و سەرچاوە سروشتیەکان بە چارەسەرنەکراوی و هەڵپەسێردراوی
ماوەتەوە، "هەربۆیە یەکڕیزی ھێزە کوردستانیەکان و داڕشتنەوەی گوتاری کوردستانی
بە دیدێکی نیشتیمانی و پەیڕەوکردنی سیاسەتێکی هاوسەنگ پێویستیەکی لە پێشینەی ئەم قۆناغەیە؛
بەشێوەیەک داکۆکی لە مافە بە دەستھاتوەکانی کورد لە دەستور و زامنی ژیانێکی شایستە
بۆ ھاوڵاتیان بکەین".
دهقی راگهیهندراوهكه:
٢٥ی ٧ رۆژی ئیرادەی گەلێک بۆ دادپەروەری
هاونیشتیمانیانی
کوردستان..
هەڵسوڕاو
و گۆڕانخوازانی پڕ ئیرادە..
(١٢)ساڵ
لەمەوبەر و لە (٢٥ی٧ی٢٠٠٩)، لیستی گۆڕان لە هەڵبژاردنی خولی سێیەمی پەرلەمانی
کوردستان سەرکەوتنێکی گەورەی بە پشتیوانی و دەنگی خەڵک بەدەستهێنا. ئەو رۆژە لە مێژوی
هاوچەرخی هەرێمی کوردستان وەک جەژنی دیموکراسی و دروستبونی هێزێکی مەدەنی بەرگریکار
لە خواست و داواکارییەکانی خەڵک ناسرا. هێزێک لە رێی سندوقی دەنگدان و ململانێی مەدەنی
خەباتی بۆ سەروەری یاسا، بەگژداچونەوەی گەندەڵی، دادی کۆمەڵایەتی، شەفافیەت و بەرفراوانکردنی
ئازادییەکان دەستپێکرد. ئەمەش بووە وەرچەرخانێکی سیاسیی گرنگ لە نەخشەی سیاسیی ھەرێمی
کوردستان.
ئێمە
لەکاتێکدا ئەو یاد و مێژوە پڕشنگدارە بە بیر خەڵك و گۆڕانخوازانی کوردستان دەهێنینەوە،
جەخت لەوە دەکەینەوە بزوتنەوەی گۆڕان پڕۆژەی سیاسیە بۆ ئێستا و داهاتوی هەرێمی
کوردستان، پڕۆژەیەک هەڵقوڵاوی داخوازییەکانی هاونیشتمانیان و وەڵامدەرەوەی پێداویستیە
دیموکراتیەکانە، پڕۆژەیەک رۆژ دوای رۆژ زەرورییەتی جێبەجێکردنی بۆ چارەسەرکردنی کێشە
بنەڕەتیەکانی هەرێمی کوردستان زیاتر دەبێت، هەر ئەم فاکتەرەش وای کردوە بەرنامەی سیاسیی
بزوتنەوەی گۆڕان ببێتە خواستێکی گشتگیر و تەنانەت ئێستا وڵاتانی هاوپەیمانیش فشار
بۆ جێبەجێکردنی بکەن.
ئەزمونی
سەرکەوتوی بزوتنەوەی گۆڕان لە هەڵبژاردنی پەرلەمانی کوردستاندا؛ دەرخەری چەندین لێکەوتی
ئەرێنی بو لە کایەی حوکمڕانی و گۆڕانکاری لە نەریتی سیاسیی، لەوانە بەها و نرخی دەنگی
هاوڵاتیان زیادی کرد، کارکردنی راستەوخۆ لەسەر کێشە و داخوازییەکانی خەڵک بوە پێشمەرجی
کاری سیاسیی، بازنەکانی هۆشیاری سیاسیی لای هاونیشتمانیان فراوان بو، پەیبردن بە ئەرک
و مافە سەرەتاییەکان بەرەوپێشچو، تا ئاستێکی باش خەباتی پەرلەمانی و گفتوگۆی کراوە
و وتوێژی بەردەوام جێی بە ململانێی چەکداری و بەکاربردنی رێگەچارەی توندوتیژی بۆ سەپاندنی
بیروڕا لەق کرد، داکۆکیکردن لە ماف و ئازادییەکان چووە قۆناغی راستەقینەوە، تەرازوی
هێزی خەڵک بەسەر دەسەڵاتی حیزبەکان بەهێزتر بو.
هاونیشتمانیان
و گۆڕانخوازان..
جەژنی
دیموکراسی خەڵکی کوردستان لە ٢٥ی٧ی٢٠٠٩دا، چیرۆکی سەرکەوتنی ئیرادەی هاوڵاتیان و هەمو
ئەو دەنگدەر و پشتیوان و هەڵسوڕاوانەیە کە بەگیانی بەرزی نیشتمانی و چاکسازییەوە
پشتیوانیان لە بزوتنەوەی گۆڕان کرد، هەربۆیە ئەمڕۆ رۆژی شانازییە بۆ نەتەوەیەکی زیندو
کە دەتوانێت گۆڕانکاری لەسەر شانۆی سیاسیی بکات و بە دیدێکی نەتەوەیی و دیموکراتیانە
هەنگاو بۆ ئایندەیەکی پڕشنگدارتر بنێت. بزوتنەوەی گۆڕان لە ئەزمونی ئۆپۆزسیۆنی و لە
قۆناغی چونە دەسەڵاتیش ئامانجی خزمەتکردنی خەڵک و جێبەجێکردنی بەرنامە سیاسیەکەی
بو، بەڵام واقع و دۆخی شێواوی کایەی سیاسیی لە عێراق و هەرێم دەرفەتی نەداوە وەک پێویست
گۆڕانکارییەکان بچەسپێت.
هەربۆیە
سەرکەوتنی بەرنامەی سیاسیی گۆڕان، بەندە بە زیادبونی پشتگیری جەماوەری و فشاری زیاتری
دامەزراوەکانی چاودێری و لێپرسینەوە بۆ پەیڕەوکردنی چاکسازی گشتگیر و هەمەلایەن،
هاوکاتیش بۆ بە نیشتیمانیکردنی دامەزراوەکان، بۆ سەربەخۆکردنی دادگاکان، بۆ راهێنان
و یەکخستنەوەی هێزەکانی پێشمەرگە و ئاسایش و پۆلیس وەک هێزی نیشتیمانی دابڕاو لە حیزب،
بۆ شەفافیەت لە داهات و چۆنیەتی خەرجکردنی، بۆ حکومەتی هاوڵاتی و مامەڵەکردنی یاسایی
لەسەر بنچینەیی هاوڵاتیبون، بۆ ئازادی تاک و چەسپاندنی سیستمی دیموکراتی لەناوخۆدا،
بۆ بەهێزکردنەوەی پەیکەرەی کۆمەڵایەتی و قەوارەی سیاسیی ھەرێم، بۆ بیناکردنەوەی
متمانەی ناوخۆیی و بەهێزکردنەوەی تواناکانی بەرەنگاری بەرامبەر ئەو ئاڵنگاری و مەترسیانەی
روبەڕوومان دەبێتەوە.
لەم
یادە پڕ شکۆیەدا، ئەوەش بە بیر دەهێنینەوە نەتەوەکەمان لەبەردەم هەڵبژاردنێکی چارەنوسسازی
ئەنجومەنی نوێنەرانی عێراقە، ئەم هەڵبژاردنەش لە کاتێکدایە کە دۆخی سیاسیی و ئیداری
و ئەمنی و خزمەتگوزاری و سەقامگیری عێراق خراپە، لەناو ئەم هاوکێشە ئاڵۆزەدا کێشە
بنەڕەتیەکانی کورد لەوانە مادەی (١٤٠) و مەلەفەکانی پێشمەرگە و دارایی و سەرچاوە
سروشتیەکان بە چارەسەرنەکراوی و هەڵپەسێردراوی ماوەتەوە، هەربۆیە یەکڕیزی ھێزە
کوردستانیەکان و داڕشتنەوەی گوتاری کوردستانی بە دیدێکی نیشتیمانی و پەیڕەوکردنی سیاسەتێکی
هاوسەنگ پێویستیەکی لە پێشینەی ئەم قۆناغەیە؛ بەشێوەیەک بتوانین بون و پێگەی خۆمان
لە عێراق و پردی پەیوەندیمان لەگەڵ نەتەوە و پێکھاتە و نوێنەرەکانیان بەهێزتر بکەین،
تا بەو دیدە داکۆکی لە مافە بە دەستھاتوەکانی کورد لە دەستور و زامنی ژیانێکی شایستە
بۆ ھاوڵاتیان بکەین.
بزوتنەوەی گۆڕان
٢٤ی٧ی٢٠٢١