وێنە؛ بزوتنەوەى گۆڕان و یەکێتى نیشتیمانى کوردستان کۆبونەوە

ڕاگەیەندراوی فەرمی

بزوتنەوەى گۆڕان و یەکێتى نیشتیمانى کوردستان، دوایین گۆڕانکاریی و پێشھاتە سیاسی و ئابورییەکانی ھەرێمی کوردستان و عێراق و تاوتوێ دەکەن.

ئەمڕۆ پێنجشەممە، شاندى باڵاى بزوتنەوەى گۆڕان و یەکێتى نیشتیمانى کوردستان لە سلێمانى کۆبونەوە و لە راگەیەندراوى دواى کۆبونەوەکەدا جەختیان لە چڕکردنەوەی هەوڵەکان کردوەتەوە بەمەبەستی خزمەتکردنی زیاتری خەڵک و وەڵامدانەوەی پێداویستییەکانی ھاوڵاتیان، ئاماژە بەوەشکراوە کە لە کۆبونەوەکەدا قوباد تاڵەبانی وەک سەرۆکی نوێی ھاوپەیمانی کوردستان پەسەندکرا و بڕیاردرا بە کاراکردنی لیژنەکانی هەڵبژاردن و تەواوکردنی ئامادەکارییەکان و چڕکردنی هەماهەنگی نێوان هەردوولا.


دەقى راگەیەندراوەکە:

راگەیەنراوی کۆبوونەوەی یەکێتیی نیشتیمانیی کوردستان و بزووتنەوەی گۆڕان

ئەمڕۆ پێنجشەممە(٢٩/٧/٢٠٢١)، کۆبوونەوەی باڵای بزوتنەوەی گۆڕان و یەکێتی نیشتیمانی کوردستان لە مەکتەبی سیاسی یەکێتی لە سلێمانی ئەنجامدرا.

تەوەری سەرەکی کۆبوونەوەکە گفتوگۆکردن بوو لەسەر دوایین گۆڕانکاریی و پێشھاتە سیاسی و ئابوورییەکانی ھەرێمی کوردستان و عێراق و چڕکردنەوەی هەوڵەکان بەمەبەستی خزمەتکردنی زیاتری خەڵک و وەڵامدانەوەی پێداویستییەکانی ھاوڵاتیان.

لە بەشێکی دیکەی کۆبوونەوەکەدا قوباد تاڵەبانی وەک سەرۆکی نوێی ھاوپەیمانی کوردستان پەسەندکرا و ھەردوولا جەختیان لە پشتگیریکردنی ناوبراو و سەرخستنی ھاوپەیمانیەتییەکە کردەوە. لەو چوارچێوەیەدا بڕیاردرا بە کاراکردنی لیژنەکانی هەڵبژاردن و تەواوکردنی ئامادەکارییەکان و چڕکردنی هەماهەنگی نێوان هەردوولا.