بزوتنەوەى گۆڕان پەیامێک ئاڕاستەى یەکگرتوى ئیسلامى دەکات
06/02/2022
ڕاگەیەندراوی فەرمی
بزوتنەوەى گۆڕان لە پەیامێکدا پیرۆزبایى ئاڕاستەى یەکگرتوى ئیسلامى دەکات و
رۆڵى ئەو هێزە وەک پارتێکی مەدەنی و ئیسلاحخواز بە ئەرێنی وەسف دەکات بە ئاراستەی
خەبات و فشارکردن بۆ چاکسازی سیاسیی و بەھێزکردنی پەیوەندی ھەردولا بە گرنگ دەزانێت
بۆ چاککردنی کایەی حوکمڕانی و خزمەتکردنی خەڵک.
دەقى پەیامەکە
بەڕێزان:
ئەمینداری گشتی و ئەنجومەنی جێبەجێکردنی یەکگرتوی ئیسلامیی کوردستان
بۆ یادی (٢٨)هەمین ساڵرۆژی
راگەیاندنی یەكگرتووی ئیسلامیی كوردستان، پیرۆزباییەکی گەرم لە ئێوەی بەڕێز و تەواوی
ئەندام و لایەنگرانتان دەکەین.
ھیواخوازین ئەم یادە، ھەوێنی ئاشتی کۆمەڵایەتی و دروستکردنەوەی متمانەی کۆمەڵایەتی
و سیاسیی بێت؛ کە پێویستیەکی لەپێشینەی پرۆسەی سیاسی ھەرێم و عێراقە. ھاوکات، رۆڵی
یەکگرتویی ئیسلامی وەک پارتێکی مەدەنی و ئیسلاحخواز بە ئەرێنی وەسف دەکەین بە
ئاراستەی خەبات و فشارکردن بۆ چاکسازی سیاسیی و ئیداری و بڵاوکردنەوەی فەرھەنگی
چاکەخوازی لەناو کۆمەڵگادا.
لەکۆتایشدا، جگەلەوی ئومێدی سەرکەوتن و بەرەوپێشچونتان بۆ دەخوازین لە کاری
سیاسیی و خەباتی مەدەنی، بەھێزکردنی پەیوەندی ھەردولامان بە گرنگ دەزانین بۆ
چاککردنی کایەی حوکمڕانی و خزمەتکردنی خەڵک.
بزوتنەوەی گۆڕان
٦ی٢ی٢٠٢٢