شۆڕش حاجی: گۆڕان و كۆمەڵ و یەكگرتو ئیمزای ئەنجامەكانیان نەكردوە
05/10/2018
ڕاگەیەندراوی فەرمی
د.شۆڕش حاجی، ئەندامی
خانەی راپەڕاندنی بزوتنەوەی گۆڕان، رایگەیاند؛ چاوەڕوانی ئەنجامی كۆتایی هەڵبژاردن
دەكەن و ناچنە ژێر باری ئەو ساختەكاری و گاڵتەجارییەی پارتی و یەكێتی ئەنجامیانداوە.
شۆڕش حاجی لە
لێدوانێکدا ئاماژەی بەوەکرد، ئەگەر سكاڵاكانیان رەچاو نەكرێن، ئەوا سەر لەبەری پرۆسەكە
و ئەنجامەكان رەتدەکەنەوە.
وتیشی: لەسەرتاسەری
كوردستان پارتی و یەكێتی ساختەكارییان كردوە و بزوتنەوەی گۆڕانیش هەرچی لە توانادا
بێت دەیگرێتەبەر بۆ هەڵوەشاندنەوەی ساختەكارییەكان.
رونیشیکردەوە، راگەیاندنی
ئەنجامە بەراییەكانی هەڵبژاردن تەنها پەیوەست بونی كۆمسیۆن بوە بە كات و یاساوە و
هیچ كام لە كۆمسیارانی گۆڕان و كۆمەڵ و یەكگرتو ئیمزای ئەنجامەكانیان نەكردوە.