بزوتنەوەى گۆڕان: د. عەزیز گەردى گەوهەرێکى درەوشاوەى زمان و فەرهەنگى نەتەوەکەمانە
06/06/2022
کۆمەڵایەتی
بەداخ و
پەژارەیەکى زۆرەوە، هەواڵى کۆچى دوایى ئەدیب و زمانزان و وەرگێڕى دیارى کورد (د. عەزیز
گەردى)مان پێگەیشت.
(د. عەزیز
گەردى) سەرمایەیەکى گەورەى نیشتیمانى و پیاوێکى هەڵکەوتوى بوارى نوسین و وەرگێڕان
و گەوهەرێکى درەوشاوەى بوارى زمان و خزمەتکردن بە فەرهەنگ و نەتەوەکەمان بووە. قەڵەمى
بە بڕشتى چەندین کتێب و شاکارى جیهانى بە زمانى کوردى ئاشنا کردووە و کتێبخانەى
کوردى دەوڵەمەندتر کردوە.
ئەمڕۆ لەکاتێکدا
سەرخۆشی لەخۆمان بنەماڵەو دۆستانی ئەم پیاوە گەورەیەی گەلەکەمان دەکەین ، رایدەگەیەنین
هێشتا زمان و کەلتوری نەتەوەییمان لەبەردەم هەڕەشەی داگیرکاری و مەترسی دوژمنانە،
بۆیە هیوامان وایە هاوشێوەکانی گەردی، سوارچاکی پاراستنی زمانەکەمان بن و، وەک سەرمایەیەکی
نیشتیمانی نرخیان بۆ دابنرێت و خزمەتبکرێن.
رۆحى
پاکى ئەم کەسایەتییە گەورەیە بۆ هەمیشە شاد بێ و، ناوى بۆ هەمیشە بە درەوشاوەیی و
زیندویی لە بیر و ئەندێشەی خەڵکی کوردستان دەمێنێتەوە.
ژورى رۆژنامەوانى
بزوتنەوەى گۆڕان
٦ى٦ى٢٠٢٢