بزوتنەوەی گۆڕان: روداوەکانی عێراق مەترسی گەورەن و پێویستیان بە چارەسەرە
30/08/2022
ڕاگەیەندراوی فەرمی
ڕووداوەکانی ئەم دواییەی عێراق و ڕووبەڕووبوونەوە خوێناوییەکان مەترسی گەورەن لەسەر پرۆسەی سیاسیی و ئاسایش و سەقامگیری، ھەربۆیە گەڕانەوە بۆ سەر مێزی گفتوگۆ و چارەسەرکردنی کێشەکان بە رێگەی گفتوگۆ باشترین بژاردەی سیاسییە بۆ دەرچوون لەو قەیرانە سیاسیەی پێیدا تێدەپەڕین.
لەم ھەلومەرجەدا، بزوتنەوەی گۆڕان بڕوای نەگۆڕی بە میکانیزمی بەیەکەوەکارکردن و ھەماھەنگی نێوان لایەنەکان ھەیە بۆ دیاریکردنی کێشە بنەڕەتیەکان و دۆزینەوەی چارەسەری گونجاو بۆیان لە چوارچێوەی دەستور و رێزگرتن لە دامەزراوە فەرمیەکان.
لەسەر ئاستی ھەرێمیش بوونی نەخشەڕێگایەکی نیشتیمانی کە رەزامەندی ھەموو لایەنەکانی لەسەربێت؛ پێویستی لەپێشینەی ئەم قۆناغەیە بۆ چاکسازی و خۆئامادەکردن بۆ ھەر ئەگەرێک کە لە داھاتووییەکی نزیکدا ڕووبەڕووی گەلەکەمان دەبێتەوە.
بزوتنەوەی گۆڕان
٣٠ی ٨ی ٢٠٢٢