پرسەنامە
01/08/2023
کۆمەڵایەتی
بەداخ و کەسەرێکى زۆرەوە، هەواڵی کۆچی دوایی (لیوا
تۆفیق مەغدید حوسێن، ناسراو بە تۆفیق کانی وەتمانی)، کەسایەتى نیشتیمان پەروەر
و تێکۆشەری دێرین و هەڵسوڕاوى دیارى بزوتنەوەى گۆڕانمان پێگەیشت.
کاک تۆفیق کانى وەتمانى رۆڵەیەکى بە ئەمەکى کوردستان و
پێشمەرگەیەکى تێکۆشەر و خاوەن رێباز و ورەى پۆڵاین بوە، بە توانا و لێهاتویی خۆى هەمو
پلەکانى پێشمەرگایەتى بڕیوە تا فەرماندەى تیپ و یەکێک بوە لە فەرماندە مەیدانییەکانى راپەڕینى بەهارى (1991) و
بەشدارییەکى کاراى لە سەرخستنى راپەڕین هەبوە، یەکەم فەرماندەى لیواى بتوێنیش بووە
لە سوپاى یەکگرتوى کوردستان لە ساڵى (1992).
لە
ساڵى (2009)شەوە کاک تۆفیق کانى وەتمانى سەرکردەیەکى
دیارى بەرەى چاکسازى و لە دامەزرێنەرانى بزوتنەوەى گۆڕان و ئەندامى پێشوى جڤاتى
گشتى بزوتنەوەى گۆڕان بوە، لەماوەى رابردودا کارەکتەرێکى کاریگەرى سەرخستنى
بزوتنەوەى گۆڕان بوە بەتایبەت لە بتوێن و پشدەر.
بەو بۆنە خەمناکەوە، سەرەخۆشی لە خۆمان و تەواوى گۆڕانخوازان و کوڕ و
براکانى و هاوڕێ و دۆست و کەسوکار و بنەماڵە بەڕیزەکەیان دەکەین و لە خوای گەورە
داواکارین رۆحی پاکى کاک تۆفیق بە بەهەشت شاد بکات، دڵنەوایی و سەبوریی ئێمە و
بنەماڵە و کەسوکارەکە بەڕێزەکەشى بدات.
انا لله و انا الیه راجعون
بزوتنەوەی گۆڕان
1ی 8ى ٢٠٢٣