بەوێنە.. کۆبونەوەی باژێڕوانەکانی بزوتنەوەی گۆڕان دەستیپێکرد

زنجیره‌ كۆبونه‌وه‌ ناوخۆییه‌كانی‌ بزوتنه‌وه‌ی‌ گۆڕان، تایبه‌ت به‌ تاوتوێكردنی‌ پرسه‌كانی‌، چاكسازی‌ و به‌شداری‌ بزوتنه‌وه‌ی‌ گۆڕان له‌ حكومه‌ت و كۆبونه‌وه‌ی‌ بزوتنه‌وه‌كه‌ له‌گه‌ڵ لایه‌نه‌ سیاسیه‌كان، به‌رده‌وامی‌ هه‌یه‌ و ئه‌مڕۆش سكرتێری‌ كاروباری‌ باژێڕه‌كان و ژوری‌ په‌یجوری‌ له‌گه‌ڵ باژێڕوانه‌كانی‌ بزوتنه‌وه‌كه‌ كۆبونه‌وه.

شه‌ماڵ عه‌بدول وه‌فا ئه‌ندامی‌ خانه‌ی‌ ڕاپه‌ڕاندنی‌ بزوتنه‌وه‌ی‌ گۆڕان پێشتر ڕایگه‌یاندبوو: ئامانج له‌م زنجیره‌ كۆبونه‌وه‌یه‌ تاوتوێكردنی‌ ده‌رئه‌نجامی‌ كۆبونه‌وه‌كانی‌ بزوتنه‌وه‌ی‌ گۆڕانه‌ كه‌ هه‌فته‌ی‌ ڕابردوو له‌گه‌ڵ هێز و لایه‌نه‌ سیاسیه‌كان ئه‌نجامیانداوه‌ تایبه‌ت به‌ دۆخی‌ هه‌رێمی‌ كوردستان و سه‌رپێخستنی‌ پرسی‌ چاكسازی‌.

بڕیاره‌ سبه‌ینێ‌ پێنج شه‌مه‌ جڤاتی‌ نیشتیمانی‌ بزوتنه‌وه‌ی‌ گۆڕان كۆببێته‌و هه‌وڵه‌كانی‌ بزوتنه‌وه‌كه‌ بۆ كۆده‌نگی‌ سیاسی‌ به‌ ئامانجی‌ پاراستنی‌ قه‌واره‌ی‌ هه‌رێمی‌ كوردستان و كۆبونه‌وه‌ی‌ له‌گه‌ڵ لایه‌نه‌ سیاسیه‌كان و چه‌ند پرسێكی‌ دیكه‌ تاوتوێبكرێن

فۆتۆ/بڕیار نامیق