عومه‌ر سه‌ید عه‌لی: پشتیوانی پاراستنی مافی كه‌مه‌نه‌ته‌وه‌یی و ئاینیه‌كان ده‌كه‌ین
01/10/2020
ڕێكخه‌ری گشتی بزوتنه‌وه‌ی گۆڕان ڕایده‌گه‌یه‌نێت: وه‌ك بزوتنه‌وه‌ی گۆڕان پشتیوانی ته‌واوی مافی كه‌مه‌نه‌ته‌وه‌یی و ئاینیه‌كان ده‌كه‌ین و به‌پێوستی ده‌زانین كه مافه‌كانیان پارێزراوبێت.
ئه‌مڕۆ پێنج شه‌مه1/10/2020 سكرتێری بزوتنه‌وه‌ی دیموكراتی ئاشوری و شاندی یاوه‌ری سه‌ردانی بزوتنه‌وه‌ی گۆڕانیان كردوو له‌گه‌ل ڕێكخه‌ری گشتی و سەرۆکی جڤاتی گشتی و ژوری په‌یوه‌ندیه سیاسیه‌كانی بزوتنه‌وه‌ی گۆڕان كۆبونه‌وه.
له كۆبونه‌وه‌كه‌دا، یونادم یوسف كنا، سكرتێری بزوتنه‌وه‌ی دیموكراتی ئاشوری، وێڕای نرخاندنی په‌یوه‌ندیه سیاسیه‌كانی نێوان هه‌ردوولا، باسی له یاسای نوێی هه‌ڵبژاردنی عێراق كردوو وتی: پێوسته مافی كه‌مه‌نه‌ته‌وه‌یی و ئاینیه‌كان پارێزراوبێت و ڕێز له مافه‌كانیان بگیرێت و به‌شێوه‌یه‌كی گونجاو مامه‌ڵه‌یان له‌گه‌ڵ بكرێت
لای خۆیه‌وه عومه‌ر سه‌ید عه‌لی ڕێكخه‌ری گشتی بوتنه‌وه‌ی گۆڕان ڕایگه‌یاند: وه‌ك بزوتنه‌وه‌ی گۆڕان پشتیوانی ته‌واوی مافی كه‌مه‌نه‌ته‌وه‌یی و ئاینیه‌كان ده‌كه‌ین و پێوسته مافه‌كانیان به‌شێوه‌یه‌ك پارێزراوبێت كه دوربێت له ده‌ستێوه‌ردان.
هه‌ر له كۆبونه‌وه‌كه‌دا باس له دواین گۆڕانكاریه سیاسیه‌كانی ناوچه‌كه كرا و گفتوگۆ له‌باره‌ی پرسیی چاكسازی و هه‌نگاوه‌كانی حكومه‌تی هه‌رێمی كورستان كرا له‌سه‌ر ئه‌و پرسه.