ئەنجومەنی بەریتانیای بزوتنەوەی گۆڕان كۆبوونەوەیەكی بۆ گۆڕانخوازان رێكخست

31/12/2018

ئەنجومەنی بەریتانیای بزوتنەوەی گۆڕان سیمینارێكی بۆ بەڕێوەبەری رۆشنبیری سلێمانی لەبارەی كۆنفرانسی نیشتیمانی و هەڵبژاردنی ناوخۆیی ئۆرگانەكانی بزوتنەوەی گۆڕان رێكخست.

لە سیمینارەكەدا بابەكر دڕەیی، هه ڵسوڕاوی دیاری گۆڕان و بەڕێوەبەری گشتی رۆشنبیری پارێزگای سلێمانی، لەسەر بارودۆخی سیاسی كوردستان و ناوچەكە بە گشتی باسێكی تێرو تەسەلی پێشكەش بە ئامادەبوان كرد.


دواتر هەریەك لە شۆڕش حەمید، بەرپرسی ئەنجومەنی بەریتانیایی بزوتنەوەی گۆڕان و فوئاد جەمال ئەندامی جڤاتی نیشتیمانی و بەرپرسی گۆشەی بەریتانیای گۆڕانەوە، ئاماژەیان بە دۆخی سیاسی هەرێم و ئەگەرەكانی بەشداری یان بەشدارینەكردنی گۆڕان لەكابینەی نۆیەمی یەمی حكومەتی هه رێمدا كرد.



دواتر هەڵسوڕاوان و گۆڕانخوازانی ئەنجومەنی بەریتانیا بە پرسیارو پێشنیارەكانیان، سیمینارەكەیان دەوڵەمەند كردو بەتێرو تەسەلی وەڵامدرانەوە، هەروەك گرنگی خۆسازدان و بەرەوپێشچوونی بزوتنەوەی گۆڕان وەك دوا پڕۆژەی ڕەوانشاد نەوشیروان مستەفا، هەڵویستەی جدی لەسەر كرا.


هەواڵی زیاتر