ئەنجومەنی قەزای پێنجوێنی بزوتنەوەی گۆڕان کۆبونەوە
06/03/2021
بەمەبەستی گفتوگۆکردن لەسه‌ر دۆخی ناوخۆی و هەڵسەنگاندن بۆ کاری تیمی بزوتنەوی گۆڕان لە حکومەت و کاری فراسۆنەکان، ئەنجومەنی قەزای پێنجوێنی بزوتنەوەی گۆڕان کۆبونەوە.
ڕۆژی هەینی 5 ی3 ی2021 بە ئامادەبونی شێخ کامل قادر سکرتێری جڤاتی نیشتمانی و ئاسۆ ڕەحیم سکرتێری باژێرەکان، ئەنجومەنی قەزای پێنجوێنی بزوتنەوەی گۆڕان کۆبونەوەی ئاسایی مانگانەیان ڕێکخست.
لە کۆبونەوەکەدا ئەندامانی خانەی ڕاپەڕاندن هەڵوێستەکانی بزوتنەوەی گۆڕانیان بۆ ئامادەبوان ڕونکردەوەو ڕایانگەیاند: بزوتنەوەی گۆڕان لە هیچ قۆناغێکدا سازشی لەسەر مافی ڕەوای هاوڵاتیان نەکردوەو نایکات، گۆڕان پەیامێکی هەیە ئەویش خزمەتی خەڵکە.
بەشداربوانی کۆبونەوەکە سەرنجەکانیان له‌سەر دۆخی سیاسی و ئابوری و پەیوەندی نێوان لایەنە سیاسیەکان خستەڕوو، ئەندامانی خانەی ڕاپڕاندن سەرنجی بەشماربوانیان وەگرتو لەسەر هەڵوێستەکانی گۆڕان ڕونکردنەوەیان بۆ ئامادەبوان هەبوو.