ڕێکخەری ژوری یاسایی گۆڕان: ئیرادەیەكی سیاسی زاڵ هەبوو بۆ سزادانی چالاكوانانی بادینان

ڕێکخەری ژوری یاسایی بزوتنەوەی گۆڕان ڕایدەگەیەنێت، بریاری دادگای پێداچونەوە بە پەسەندكردنی سزادراوانی بادینان، پێشبینیكراو بوو، چونکە ئیرادەیەكی سیاسی زاڵ هەبوو بۆ سزادانی ئەم چالاكوان و رۆژنامەنوسانە، ئەم بریارە دەبێتە خاڵێكی رەش بۆ ناو و ناوبانگی هەرێم لە دەرەوە لەروی ئازادی رادەربرین و مافەكانی رۆژنامەنوسان.

دەقی نوسینەکە.....

بریاری دادگای پێداچونەوە بە پەسەندكردنی سزادراوانی بادینان، پێشبینیكراو بوو، چونکە ئیرادەیەكی سیاسی زاڵ هەبوو بۆ سزادانی ئەم چالاكوان و رۆژنامەنوسانە، ئەم بریارە دەبێتە خاڵێكی رەش بۆ ناو و ناوبانگی هەرێم لە دەرەوە لەروی ئازادی رادەربرین و مافەكانی رۆژنامەنوسان، ئەم بریارە بە رەسمی گفتوگۆ و نامەی چاتی فەیسبوكی كردە كرداری تاوانكاری كە ئەمە پیشهاتیكی زۆر خراپە، دەبێتە سابیقەیەكی دادوەری خراپ، لەهەموی گرنگتر ئەم بریارە هێندەی تر بێ متمانەی هاولاتی بە دادگا و دەسەلاتی دادوەری كەمدەكاتەوە، كە لەرابردو هەمیشە دژی ئەوە بوین كە دادگا نەكرێتە ساحەی پاكتاوكردنی نەیارانی سیاسی، ناوەرۆكی بریارەكەی دادگی پیداچونەوە بۆ پەسەندكردنی سزای چالاكوانان هۆكاروسەبەبی باوەرپێهینەر و یاسایی نین دادپەروەری تێدانیە، خاڵیكی تێدایە زۆر جێی قسەو هەلویستە لەسەر كردنە بابەتی دانیشتن و قسەكردن بوە لەگەل قنصلی ئەمریكی و ئەلمانی كە گوایە  وەك  بەشێك لەهەوڵدانی ئەم سزادراوانە  ویناكراون و ئاگاداربون كە ئەمە بۆ پێگەی هەرێم و بە بریاری دادگا بۆ هەرێم یەكجار خراپە، ئەم بریارە رۆڵێێ خراپی هەیە لە بەرتەسكردنەوەی ئازادی رادەربرین،
بۆیە ئەم كەیسەمان زۆر بەگرنگ و مەترسیدار زانیومانە، بۆیە بەجدی و خەمخۆرانە هەر لەسەرەتاوە كارمان لەسەر كردوە

چۆمان محەمەد