بەهادین ئەحمەد: بزوتنەوەی گۆڕان شانازییەکی گەورەی میللەتەکەمانە

باژێروانى سلێمانى بزوتنەوەى گۆڕان، رایدەگەیەنێت؛ گۆڕان ململانێ حیزبییەکانى لە شەڕی چەکداری و سڕینەوەی یەکترەوە بۆ ململانێى مەدەنى گۆڕى، بۆیە بزوتنەوەی گۆڕان شانازییەکی گەورەی ھەمومان و میللەتەکەشمانە.

بەهادین ئەحمەد، باژێروانى سلێمانى بزوتنەوەى گۆڕان لە (١٢)یەم ساڵیادى یەکەم بەشدارى سیاسى بزوتنەوەکەدا، ئاماژە بەوە دەکات کە گۆڕان ئامانجى بەدامەزراویی کردن و سەروەری یاسا و بەنیشتمانیکردنی حکومەت و ھەرێمەکەمانە و (٢٠٠٩/٧/٢٥)یش وەرچەرخانێکی  مێژو و قۆناغێکی نوێ خەباتی مەدەنیانەی گەلەکەمانە، چونکە ململانێ حیزبیەکانی لە شەڕی چەکداری  و لەکوشتن و سڕینەوەی یەکترەوە گۆڕى بۆ ململانێى مەدەنى و ململانێکەشى بردە ناو پەرلەمانەوە.

ئەوەش دەخاتەڕو کە گۆڕان بون ئیرادەی بەھێز و پشودرێژی و خۆڕاگری بەردەوامی دەوێت، "دواى (١٢) ساڵ لەو خەباتە بەردەوامە، بزووتنەوەی گۆڕان  و گۆڕان بون شانازییەکی گەورەی ھەمومان و میللەتەکەمانە ".