گۆڕان پیرۆزبایى لە سۆسیالیست دەکات
08/08/2021
بزوتنەوەى گۆڕان پیرۆزبایى
لە حیزبى سۆسیالیست دیموکراتى کوردستان دەکات و لە کۆبونەوەیەکیشدا دۆخى سیاسى وبژێوى
و گوزەرانى هاوڵاتیان تاوتوێ دەکەن.
ئەمڕۆ یەکشەممە (8/8/2021)،
شاندێکى بزوتنەوەى گۆڕان کە لە بەختیار عومەر ئەولى رێکخەرى ژورى پەیوەندیە
سیاسییەکان و ئەندامانى ژورەکە پێکهاتبون، سەردانى محەمەد حاجى مەحمود سکرتێرى
حیزبى سۆسیالیست دیموکراتى کوردستان-یان کرد بە بەبۆنەى ساڵیادى دامەزراندنى حیزبەکەیانەوە.
لە کۆبونەوەیەکدا دۆخى
سیاسى هەرێمى کوردستان و هەڵبژاردنى پێشوەختەى ئەنجومەنى نوێنەرانى عێراق و پێشهاتە
نوێیەکان تاوتوێکرا، هەردولا پێویستى یەکڕیزى کورد لە بەغدا و هەوڵدان بۆ پاراستنى
بەرژەوەندییە باڵاکانى کورد و پاراستنى سەقامگیرى سیاسى لە هەرێمى کوردستانیان
دوپاتکردەوە.
هاوکات کارى پێکەوەیى و
پتەوکردنى پەیوەندیەکانی نێوان هەردولا دوپاتکرایەوە.