وێنە؛ ئەنجومەنى قەزاى سلێمانى بزوتنەوەى گۆڕان ئامادەکاریى بۆ هەڵبژاردن دەکات

ئەنجومەنى قەزاى سلێمانى بزوتنەوەى گۆڕان ئامادەکاریى بۆ هەڵبژاردنەکان و بەگەڕخستنى هەوڵەکان دەکات لەپێناو سەرخستنى هاوپەیمانى کوردستان و کاندیدەکانى بزوتنەوەى گۆڕان.

ئەمڕۆ پێنجشەمممە، بە مەبەستى گفتوگۆکردن لەبارەى پڕۆسەى هەڵبژاردنى ئەنجومەنى نوێنەرانى عێراق و چۆنیەتى دەستپێکردنى بانگەشە و بەگەڕخستنى هەوڵەکان بۆ سەرخستنى هاوپەیمانى کوردستان، ئاسۆ رەحیم سکرتێرى کاروبارى باژێرەکان لە خانەى راپەڕاندن و بەهادین ئەحمەد باژێروانى سلێمانى بزوتنەوەى گۆڕان لەگەڵ بەرپرسى بازنە و رایەڵەکانى ئەنجومەنى باژێرى سلێمانى کۆبونەوە.

بەهادین ئەحمەد لەبارەى ناوەڕۆکى کۆبونەوەکەوە بە سایتى فەرمى (گۆڕان)ى راگەیاند: لە کۆبونەوەکەدا گفتوگۆ کرا لەبارەى هەنگاوەکانى داهاتو بۆ دەستپێکردنى هەڵمەتى هەڵبژاردن و چۆنیەتى دابەشکردنى رۆڵ و دروستکردنى کۆمەڵێک لیژنە بۆ راپەڕاندنى ئەرکەکان، هاوکات هەماهەنگی نێوان بزوتنەوەی گۆڕان و یەکێتی نیشتمانی کوردستان لە هاوپەیمانی کوردستان و چۆنیەتی دەستپێکردنی هەڵمەتی بانگەشەکان بۆ سەرخستنی قەوارەکە بەگشتی و کاندیدەکانی بزوتنەوەی گۆڕان لە هەڵبژاردنى ئەنجومەنى نوێنەران تاوتوێکرا.