راگەیەندراوێک لە رایەڵەى پارێزەرانەوە

30/11/2021



رایەڵەی پارێزەران داواى ئازادکردنی دەسبەجێ و بێ مەرجی ئەو پارێزەر و خوێندکارانە دەکات کە بەهۆى خۆپیشاندانەکانى چەند رۆژى رابردوەوە دەستگیرکراون لەگەڵ گرتنەبەری رێکاری یاسایی دژی هەمو ئەو کەسانەی کەدەستیان هەبوە لە ئازاردان و توندوتیژی بەرامبەرخۆپیشاندەران .

رایەڵەی پارێزەرانى بزوتنەوەى گۆڕان راگەیەندراوێک لەبارەى دۆخى دواى خۆپیشاندانەکانى چەند رۆژى رابردو بڵاو دەکاتەوە و تێیدا ئاماژە بەوە کراوە؛ ژمارەیەک لەخۆپیشاندەردەستگیرکراون لەناویشیاندا براو هاوپیشەمان پارێزەر (ئەردەڵان فاتیح بەرزنجی) کە تائێستا دەستبەسەرە و ئازادنەکراوە، "پێویست بوو سەندیکای پارێزەران وەک مەرجەعی یاسایی و پیشەیی هاوپیشەمان هەڵوێستی جدی بۆ پشتگیری و ئازادکردنی هەبوایە، ئێمە ئیدانەی ئەو دەستگیرکردنە دەکەین و بەپێچەوانەی یاساو مافی مرۆڤ و ئازادییە کەسی و دەستورییەکانی دەزانین و پشتگیری تەواوی داواکارییە ڕەواکانی خۆپیشاندەرانی".

دەقى راگەیەندراوەکە:

بەناوی خوای گەورەو میهرەبان
ڕاگەیەندراوێک بۆ ڕای گشتی

لای هەمووان ئاشکرایە بارودۆخێکی نەخوازراو شاری سلێمانی و دەوروبەری گرتۆتەوە لەوچوارچێوەیەشدا ژمارەیەک لەخۆپیشاندەر  دەستگیرکراون لەناویشیاندا براو هاوپیشەمان پارێزەر (ئەردەڵان فاتیح بەرزنجی) دەستگیرکراوە کە تائێستا دەستبەسەرە و ئازادنەکراوە و چارەنوسی بەنادیاری ماوەتەوە لەکاتێکدا ناوبراو ئەندامی سەندیکای پارێزەرانی کوردستانە و پارێزبەندی یاسایی هەیە و پێویست بوو سەندیکای پارێزەران وەک مەرجەعی یاسایی و پیشەیی هاوپیشەمان هەڵوێستی جدی بۆ پشتگیری و ئازادکردنی هەبوایە و بە ئەرکی خۆی هەڵبستایە ، ئێمە لێرەدا بەتوندی ئیدانەی ئەو دەستگیرکردنە دەکەین و بەپێچەوانەی یاساو مافی مرۆڤ و ئازادییە کەسی و دەستورییەکانی دەزانین و پشتگیری تەواوی داواکارییە ڕەواکانی خۆپیشاندەرانین ، داواکارین :

١- ئازادکردنی دەسبەجێ و بێ مەرجی هاوپیشەمان و سەرجەم خوێندکارە دەستگیرکراوەکان .

٢- گرتنەبەری ڕێکاری یاسایی دژی هەموو ئەو کەسانەی کەدەستیان هەبووە لە ئازاردان و توندوتیژی بەرامبەرخۆپیشاندەران .

٣- هەڵگرتنی ڕەوشی بەسەربازگەکردنی سەرجەم شارو شارۆچکەکانی هەرێمی کوردستان و کۆتایی هێنان بەڕەشبگیری و ئەو دۆخە نائاساییەی سەپێنراوە .

بەپێچەوانەوە لە ئەگەری جێبەجێ نەکردنییان دا هەڵوێستی توندترمان دەبێت .

ڕایەڵەی پارێزەرانی بزوتنەوەی گۆڕان
٣٠-١١-٢٠٢١


هەواڵی زیاتر