دەستەی ئەنجومەنی بەریتانیا و بەشێك لە هەڵسوڕاوانی گۆڕان کۆدەبنەوە

ئەنجومەنی بەریتانیا و بەشێک لە هەڵسوڕاوانى گۆشەی بەریتانیا لە رێگای وێبناری (زووم) بۆ تاوتوێكردنی دوایین ئامادەكارییەكانی دوەم كۆنفڕانسی نیشتیمانى بزوتنەوەى گۆڕان و وەرگرتنی راو پێشنیازی هه ڵسوڕاوان کۆدەبنەوە.

فوئاد جەمال سەلام بەرپرسی گۆشەی بەریتانیا، ئاماژەى بە ئامانجی کۆبونەوەکە و هەنگاو و ئامادەکارییەکانى بەستنى کۆنفڕانسى نیشتیمانى رونکردەوە و داوای لە هەڵسوڕاوان کرد راشکاوانە سەرنج و پێشنیار و تێبینیەکانیان لەسەر دوەمین کۆنفرانسی نیشتمانی دەرببڕن و لاى خۆیانەوە گۆڕانخوازان جەختیان لە پێویستیی دەستنیشانکردنى كێشەكان و دۆزینەوەى چارەسەری ریشەیی کردەوە لە ماوەیەكی زەمەنی دیاریكراودا بەتایبەت دۆخى ناوخۆیی و ئەوەش دوپاتکرایەوە کە هەنگاو بۆ چارەسەر بنرێت و ئەو پەیامە بگەیەنرێتە هەموان کە گۆڕان بە پێچەوانەی هێزە نەریتەوانەكان، لەئاست كێشەكانیدا دۆشدانامێنێ و بەقەدەریان ناسپێرێت، بەڵكو بە ئیرادەیەكی بەهێزەوە رووبەڕوویان دەبێتەوە و كاری جدی بۆ چارەسەركردنیان دەكات، ئەوكاتە ئەم خیتاب و هەنگاوە ئازایانەیە وا دەكات ئومێد بۆ دەنگدەرانى کوردستان بگەڕێنێتەوە.

لە کۆبونەوەکدا هه ڵسوڕاوان بە راشکاوی سەرنج و تێبینیەکانی خۆیان خستەڕو، سەرجەم بۆچون و پێشنیار و سەرنجەکان ئاڕاستەى لیژنەی باڵای هەڵبژاردنی دوەمین کۆنفرانسی نیشتمانی دەکرێت.