بافڵ تاڵەبانی بۆ بزوتنەوەى گۆڕان: پێکەوە لە هەوڵەکانمان بەردەوامبین لەپێناو سەرخستنی پرۆسەی چاکسازی

بافڵ جەلال تاڵەبانی، پیرۆزبایی (13)یەم ساڵیادى یەکەم بەشداریی سیاسى لە بزوتنەوەى گۆڕان دەکات و دەڵێت: هیوادارم ئەم یادە دەرفەتێک بێت بۆ پەرەپێدانی زیاتری پەیوەندییەکانمان، پێکەوە لە هەوڵەکانمان بەردەوامبین لەپێناو سەرخستنی پرۆسەی چاکسازی، بەرەوپێشبردنی سیستمی حوکمڕانی لە هەرێم و جێبەجێکردنی خواست و داوا رەواکانی خەڵکی کوردستان.

دەقی پیرۆزبایی نامەکە

بەڕێزان جڤاتی نیشتمانی، هەڵسوڕاو و لایەنگرانی بزووتنەوەی گۆڕان.

‎بەبۆنەی ساڵیادی دامەزراندنی بزووتنەوەکەتانەوە گەرمترین پیرۆزباییتان لێدەکەم و هیوای سەرکەوتنتان بۆ دەخوازم.

‎هیوادارم ئەم یادە دەرفەتێک بێت بۆ پەرەپێدانی زیاتری پەیوەندییەکانمان، قووڵکردنەوەی گیانی تەبایی و یەکهەڵوێستی لەبەرامبەر پرسە نەتەوەیی و نیشتمانییەکان. پێکەوە لە هەوڵەکانمان بەردەوامبین لەپێناو سەرخستنی پرۆسەی چاکسازی، بەرەوپێشبردنی سیستمی حوکمڕانی لە هەرێم و جێبەجێکردنی خواست و داوا رەواکانی خەڵکی خۆشەویستی کوردستان.

‎ھەرشاد و سەرفرازبن

‎دڵسۆزتان
‎بافڵ جەلال تاڵەبانی
‎سەرۆکی یەکێتیی نیشتمانیی کوردستان
‎25ی تەممووزی 2022