حیزبى ئیسلامى عێراقى سەردانى بزوتنەوەى گۆڕان دەکات

حیزبى ئیسلامى عێراقى بۆ تاوتوێکردنى دواین پێشهاتەکانى دۆخى عێراق و دۆزینەوەى رێگاکانى چارەسەرى قەیرانەکان و پەیوەندییەکانى هەردولا، سەردانى بزوتنەوەى گۆڕان دەکات.

ئەمڕۆ چوارشەممە (2022/8/24) شاندێکى حیزبى ئیسلامى عێراقى بە سەرۆکایەتى د. حسین الزبیدى، ئەندامى مەکتەبى سیاسى سەردانى مەکۆى سەرەکى گۆڕانیان کرد و لەگەڵ شاندى بزوتنەوەى گۆڕان کۆبونەوە.

لە کۆبونەوەکەدا پەیوەندییەکانى هەردولا و دوایین پێشهاتەکانى دۆخى سیاسى عێراق و دۆزینەوەى رێگە چارە بۆ دەربازبون لەو قەیرانە سیاسییەى روبەڕوى عێراق تاوتوێکرا و پێویستى پاراستنى سەقامگیرى و ئارامى و دورخستنەوەى دەستى دەرەکى لە کاروبارى ناوخۆ گفتوگۆى لەبارەوە کرا.