شۆڕش حاحی: هەڵبژاردنی سەرۆكی هەرێم لە ناو پەرلەمان هێنانەدی بەشێك لە ئامانجەكانمانە

ئەندامێكی خانەی راپەڕاندنی بزوتنەوەی گۆڕان رایدەگەیەنێت: پرۆسەی چاكسازی و گۆڕانكاری ریشەیی پرۆسەیەكی درێژخایەنەو تاگەیشتن بەو ئامانجانە بەردەوام دەبن.

شۆڕش حاجی، ئەندامی خانەی راپەڕاندنی بزوتنەووەی گۆڕان بە رۆژنامەی زەمەنی راگەیاند: ئەوەی لای گۆڕان گرنگە ئەوەیە، كە سازش لە پرنسیپەكانی خۆی ناكات بۆ ئەنجامدانی چاكسازی ریشەیی، بۆ ئەوەش لە هەر رێگەیەكەوە بتوانن ئەو گۆڕانكاری و چاكسازییە بكەن، ئەوا ئه‌و رێگەیە دەگرنە بەر.

شۆرش حاجی باسی لەوەشكردووە، بە راشكاوانە وتویانە یەكێك لە پرەنسیپە سەرەكییەكانی بزوتنەوەی گۆڕان ئەوەیە گۆڕانكاری لە سیستمی حكومڕانی هەرێمی كوردستاندا بكەن و هەڵبژاردنی سەرۆكی هەرێمیش لەناو پەرلەمان هێنانەدی بەشێك لە ئامانجەكانی گۆڕانە.