بزوتنەوەى گۆڕان و یەکێتى نیشتیمانیی کوردستان کۆبونەوە
17/07/2023
پێش نیوەڕۆى ئەمڕۆ دوشەممە (17/7/2023)، شاندێکى مەکتەبى
سیاسى یەکێتى نیشتیمانى کوردستان سەردانى مەکۆى بزوتنەوەى گۆڕانیان کرد و لەلایەن
شاندى بزوتنەوەى گۆڕانەوە پێشوازییان لێکرا.
لە کۆبونەوەکەدا گفتوگۆ کرا لەبارەى هەڵبژاردنەکانى
ئەنجومەنى پارێزگاکانى عێراق کە کەرکوک و ناوچە کوردستانییە کێشەلەسەرەکانیش
دەگرێتەوە، هاوکات ئەجێندا و نەخشەڕیگاى بەشدارى کورد و یەک لیستى بە لەبەرچاوگرتنى
مافە نەتەوەیییەکان تاوتوێکرا.
ئەوە لەکاتێکدایە پێشتر بزوتنەوەى گۆڕان لە کۆنگرەیەکى
رۆژنامەوانیدا لە شارى کەرکوک لەبارەى هەڵوێستى بزوتنەوەکە بۆ دۆخى ئەو ناوچانە و هەڵبژاردنەکان
رایگەیاند: پێویستمان بە یەک گوتارى کوردستانیی هەیە لە روانگەى بەرژەوەندى
نەتەوەیی و نیشتیمانى بۆ ئاساییکردنەوەى دۆخى پاراستنى مافەکانى کورد لەو ناوچانە،
بۆ هەڵبژاردنەکانیش لەم قۆناغەدا پێویستمان بە یەک لیستى هەیە بەبەشداریی سەرجەم
لایەنە کوردستانییەکان پێکەوە.