ئەنجومەنى قەزاى ناوەندى سلێمانى بزوتنەوەى گۆڕان چەند پرسێکى ناوخۆیی و پەیوەندیدار بە دۆخى بازاڕ و گوزەرانى هاوڵاتیان تاوتوێ دەکات

ئەنجومەنى قەزاى ناوەندى سلێمانى بزوتنەوەى گۆڕان بۆ تاوتوێکردنى چەند پرسێکى ناوخۆیی و پەیوەندى هێز و لایەنە سیاسییەکان و جەخت کردنەوە لەبەرنامەى سیاسى بزوتنەوە گۆڕان و دۆخى بازاڕ و گوزەرانى هاوڵاتیان کۆدەبێتەوە.

ئەمڕۆ پێنجشەممە (19/10/2023)، کۆبونەوەی ئاسایی مانگانەى ئەنجومەنی قەزای ناوەندی سلێمانی بزوتنەوەى گۆڕان لە مەکۆى سلێمانى بە سەرپەرشتی باژێڕوان و ئامادەبونى بازنەوانەکانی سنوری قەزای ناوەند بەڕێوەچوو، تێیدا بەهادین ئەحمەد، باژێوانى سلێمانى بزوتنەوەى گۆڕان رونکردنەوەى دا لەبارەى دواین گۆڕانکارى و پێشهاتەکان و دۆخى ناوخۆیی بزوتنەوەى گۆڕان.

لە کۆبونەوەکەدا گفتوگۆکرا لەبارەى چەند پرسێکى ناوخۆیی و پەیوەندى هێز و لایەنە سیاسییەکان، هاوکات دۆخى بازاڕ و گوزەرانى هاوڵاتیان موچەخۆران تاوتوێکرا و جەخت کرایەوە لە پێویستى هەوڵدان بەئاڕاستەى فشارکردن بۆ باشکردنى ژیانى خەڵک و دابینکردنى سەقامگیرى.

لاى خۆیانەوە ئامادەبووان سەرنج و بۆچونەکانیان پەیوەست بە کۆى پرسەکان خستەڕو، جەختیش کرایەوە لە کارکردن بۆ جێبەجێکردنى بەرنامەى سیاسى بزوتنەوە گۆڕان.