بەبەشدارى نوێنەرى گۆڕان؛ رۆژی ئاڵای کوردستان لە فینلاند بەرز راگیرا

لەشاری هێلسکی وڵاتی فینلاند ڕەوەندی کوردی سیمینارێکی تایبەتی بە گرنگى و رۆژى ئاڵا بۆ هەریەک لە سیروان سابیر بەرپرسی ئەنجومەنی بەریتانیاى بزوتنەوەى گۆڕان و حاکم عوسمان کەسایەتی دیاری رەوەندی کوردستانی ڕێکخست.

بەئامادەبوونی نوێنەری لایەنە سیاسیە کوردستانیەکان لە چوار پارچەی کوردستان و باڵیۆوى عێراق و ژمارەیەکی بەرچاو لە کوردستانیانی ڕەوەندی کوردی ماوەی سێ کاتژمێر گفتوگۆ لەسەر گرنگی ئاڵا کرا.

کوردستانیانی وڵاتی فینلاند بەجلی کوردی و ئاڵای کوردستان سیمینارەکەیان رەنگاورەنگ کرد و دیاری و گوڵ پێشکەش بەچەندین کەس کرا کە لەبوارە جیاجیاکاندا سەرکەوتون لە پیشەکانیاندا.