بزوتنەوەى گۆڕان: چاوەڕوانیمان هەیە ڕۆڵی یەکێتی جیهانیی زانایانی موسڵمانان کاریگەرتر بێت بۆ پشتیوانی گەلانی ستەملێکراو و گەلی کورد بەتایبەتی

بەبۆنەی هەڵبژاردنەوەى بە سەرۆکی یەکێتیی جیهانیی زانایانی موسڵمانان، بزوتنەوەى گۆڕان پیرۆزبایی ئاڕاستەی د.عەلی قەرەداغی دەکات و رایدەگەیەنێت: چاوەڕوانیمان هەیە ڕۆڵی ئەم یەکێتییە کاریگەرتر و بەهێزتر بێت بۆ پشتیوانی گەلانی ستەملێکراو و گەلی کورد بەتایبەتی.


دەقى پەیامەکە:


بەڕێز: پڕۆفیسۆر د. عەلی قەرەداغی

بە بۆنەی هەڵبژاردنتان بە سەرۆکی یەکێتیی جیهانیی زانایانی موسڵمانان، پیرۆزباییەکی گەرم ئاڕاستەی بەڕێزیان دەکەین و ئومێدی سەرکەوتنتان لەم ئەرکەدا بۆ دەخوازین.

لەکاتێکدا، خۆشحاڵین بە بوونی زانایەکی کورد لە سەرۆکایەتی دامەزراوەیەکی ئیسلامیی و جیهانی، چاوەڕوانیمان هەیە ڕۆڵی ئەم یەکێتییە کاریگەرتر و بەهێزتر بێت بۆ پشتیوانی گەلانی ستەملێکراو و گەلی کورد بەتایبەتی، بە ئاراستەی داکۆکیکردن و چەسپاندنی مافەکانمان و، دوورخستنەوەی شەڕ و ململانێی و ناسەقامگیری لەناوچەکە و جیهاندا.

بزوتنەوەی گۆڕان
١٠ی ١ی ٢٠٢٤