نوێنەرى بزوتنەوەى گۆڕان لە فینلاند، داواکارى و پڕۆژە بۆ رەوەندى کوردى دەگەیەنێتە پەرلەمانتاران و بەرپرسانى ئەو وڵاتە

نوێنەرى بزوتنەوەى گۆڕان لە فینلاند، داواکارى رەوەندى کوردى دەگەیەنێتە بەرپرسانى حکومى و حیزبى پارتى دەسەڵاتدارى ئەو وڵاتە.

ڕۆز دڵشاد بەرپرسی پەیوەندیە گشتیەکان، بەنوێنەرایەتی ئەنجومەنی فینلاندى بزوتنەوەى گۆڕان لەشاری تورکۆى ئەو وڵاتە لەگەڵ چەند بەرپرسێکی حکومەتی خۆجێی و بەرێوەبەری پۆلیس و بەرپرسی پلاندانان و ژمارەیەک لە پەرلەمانتاری ئەو وڵاتە و پەرلەمانتاری ئەوروپا و گەورە دادوەری فینلەندی دیدارى ئەنجامدا و بەشداریکرد لە کۆبونەوەی ناوخۆی پارتى کۆکۆموس کە پارتى دەسەڵاتدارى وڵاتەکەیە.

لەو دیدارانەدا، نونێنەرەکەى بزوتنەوەى گۆڕان کۆمەڵێک پرس و داخوازى و پڕۆژەى پەیوەست بە پەنابەران لەناویاندا رەوەندى کوردى وروژاند و گفتوگۆى هەمەلایەنەیان لەبارەوە کران، هاوکات بەشدارى دانیشتنی پەرلەمانی فینلاندی کرد و  کۆمەڵێک پرۆژە تاووتوێ کرا و دەنگدانیان لەسەر درا کە بۆ پەنابەران و رەوەندى کوردى گرنگن.