وەفدێکی گۆڕان بەشداریی کۆنفرانسی فیدراسۆنی کوردانی فینلەندا دەکات

وەفدێکی ئەنجومەنى فینلەنداى بزوتنەوەى گۆڕان بەشداریی کۆنفرانسی فیدراسۆنی کوردانی ئەو وڵاتە دەکەن کە لە هیلسنکی پایتەخت بەڕێوەچو.

کۆنفرانسی ساڵانەی ڕیکخراوی فیدراسۆنی کوردانی فینلاند کە لە ساڵی ٢٠١٤ دامەزراوە و (٢٧) پەرلەمانتاری ئەو وڵاتە پشتیوانی کارو چالاکیەکانی دەکەن کار بۆ چالاکی گەشەپیدانی گەنجان و کۆڕو کۆبونەوە وسیمینار لەبارەی ناساندنی کێشەکانی کورد و پەرەدان بە فێربوونی زمانی کوردی و ڕێکخستنی بۆنە نەتەوەییەکان دەکات.

لەکۆنفرانسی ئەمساڵى فیدراسیۆنەکەدا هەریەکە لە ڕۆز دڵشاد بەرپرسی پەیوەندیەگشتیەکان و شۆخان فازیل بازنەوانی هیلسنکی بە نوێنەرایەتى ئەنجومەنى فینلەنداى بزوتنەوەى گۆڕان بەشداری کۆنفرانسەکەیان کرد و پشتیوانی ئەنجومەنەکەیان بۆ کار و چالاکیە نەتەوەییەکانی فیدراسیۆنەکە دوپات کردەوە.