ژورى رۆژنامەوانى لەگەڵ میدیاکارانى ئەنجومەنى قەزاکان کۆدەبێتەوە

ژورى رۆژنامەوانى لەگەڵ میدیاکارانى ئەنجومەنى قەزاکان کۆبووەوە بۆ کاراکردنی ئەرکە میدییاییەکان و تاوتویکردنى دۆخى سیاسى و ئامادەکاری بۆ هەڵبژاردنەکان.

ئەمڕۆ شەممە (٢٠٢٤/٦/١) لە مەکۆى سەرەکى بزوتنەوەى گۆڕان لە سلێمانى، کۆبونەوەى ژورى رۆژنامەوانى لەگەڵ بەڕێوەبەری میدیاکانی ئەنجومەنى قەزاکان بە ئامادەبونى بەڕێوەبەرى میدیاکانى گۆڕان بەڕێوەچو، تێدا چەند تەوەرێک گفتوگۆیان لەبارەوە کرا و بەرچاو رونى درا لەبارەى دۆخى سیاسى هەرێمى کوردستان و عێراق و دواین پێشهاتەکان و ئامادەکارییەکانى بزوتنەوەى گۆڕان بۆ روبەڕوبونەوەى ئاڵنگارییەکان و هەڵبژاردنەکانى داهاتو.

هاوکات چەند بابەتێکى زانستى پەیوەست بە چۆنیەتى گوتارى سیاسى و رۆڵ و کاریگەرى دیجیتاڵ میدیا و هەماهەنگى میدیاى ئەنجومەنى قەزاکانى بزوتنەوەى گۆڕان و ژورى رۆژنامەوانى و میدیاى گۆڕان خرانەڕوو، رۆڵى میدیاى ئەنجومەنى قەزاکانیش وەک ئۆرگانێکى کاریگەر نرخێندرا.

لاى خۆیانەوە؛ بەڕێوەبەری میدیای قەزاکان بە سەرنج و پێشنیازەکانیان بەشدارییان کرد و گفتوگۆى کراوە لەنێوان ئامادەبوان کرا بە ئاڕاستەى کارى پێکەوەیی و بەرپەرچدانەوەى هێرشى ناڕەوا و بە مەبەست بۆ سەر بزوتنەوەى گۆڕان.