بەبەشدارى نوێنەرى گۆڕان، هێز و لایەنە سیاسیە کوردستانیەکان لە فینلاند کۆبونەوە

بە بەشدارى نوێنەرى بزوتنەوەى گۆڕان، کۆبونەوەی هێز و لایەنە سیاسیە کوردستانیەکان لە وڵاتی فینلاند بەڕێوەچو بۆ چالاککردنەوەى کۆمیتەی هێزو لایەنەسیاسیە کوردستانیەکان و کارى پێکەوەیی بە ئامانجى گەیاندنى داخوازى و ئاریشەکانى رەوەندى کوردى و بەدەستهێنانى پشتیوانى دەرەکى زیاتر بۆ دۆزی ڕەوای گەلى کورد.

لە کۆبونەوەکەى نوێنەرانى هێز و لایەنە سیاسییە کوردستانییەکان، هەریەکە لە سیروان سابیر بەرپرسی ئەنجومەنی فینلاندی بزوتنەوەی گۆڕان و حەیدەر زەهاوی بەرپرسی پەیوەندیە نیشتمانیەکان بە نوێنەرایەتى بزوتنەوەى گۆڕان بەشداربون، کە تێیدا گفتوگۆ لەبارەى چۆنیەتى کاراکردنەوەى کۆمیتەی هێز و لایەنە سیاسیە کوردستانیەکان کرا بۆئەوەی لە داهاتودا لە هەر ئەگەرو پێشهاتێک کە ڕوو لە کورد و کوردستان بکات نوێنەری هێزو لایەنەسیاسیەکان بەیەکگرتووی کار لەسەر دۆزی ڕەوای گەلەکەمان بکات و دەنگ وڕەنگی کوردستانیانی ناوەوە بگەیەننە پارت و دامەزراوە فەرمییەکان لە ولاتی فینلاد.

لە کۆبونەوەکەدا نوێنەرانی بزوتنەوەی گۆران وێڕاى جەختکردنەوە لە دید و بەرنامەى سیاسى بزوتنەوەى گۆڕان پەیوەست بە دۆزى رەواى گەلى کورد و رەوەندى کوردى و ئامادەیی هاوکاری و کاری هاوبەش و پێکەوەییان دەربڕی لەپیناو خزمەتکردن بە رەوەندى کوردى و دۆزى کرد و بەرژەوەندی گشتی کورد و کوردستان.