ئەنجومەنى قەزاى ناوەندى سلێمانى بزوتنەوەى گۆڕان کۆدەبێتەوە

رۆژى شەممە (2024/6/8)، ئەنجومەنی قەزای ناوەندى سلێمانى بزوتنەوەی گۆڕان بە ئامادەبونى بازنە و رایەڵەکان یەکەم کۆبوونەوەی ئاسایی خۆى لە مەکۆ ئەنجامدا.

لە کۆبونەوەکەدا دۆخى سیاسى و دواین پێشهات و ئاڵنگارییەکان تاتوێ کران و جەخت لە پشتیوانى داوا رەواکانى خەڵک بۆ دابینکردنى خزمەتگوزارى زیاتر و پرۆژەى گرنگ و ستراتیژى بۆ شارى سلێمانى، لاى خۆیەوە رەئوف کاکى باژێروانى سلێمانى بزوتنەوەى گۆڕان جەختى لە پێداگرى لە کارکردن بە بەرنامەى سیاسى بزوتنەوەى گۆڕان کردەوە و رایگەیاند: بزوتنەوەى گۆڕان سورە لەسەر جێبەجێکردنى بەرنامەى سیاسى خۆى بۆ پرسە جیاوازەکان و ئێمەش هەوڵەکانمان بەردەوام دەبێت بۆ پتەوکردنى رایەڵەى پەیوەندى نێوان خەڵک و تیمەکانمان لە حکومەتى خۆجێی و حکومەتى هەرێم بە ئاڕاستەى وەڵامدانەوەى داخوازییەکانیان.

هاوکات لە کۆبونەوەکەدا دۆخى ناوخۆیی بزوتنەوەى گۆڕان و ئامادەکارییەکان بۆ تەواوکردنى هەڵبژاردنە ناوخۆییەکان و ئاڵنگارییەکانى قۆناغى نوێ و هەڵبژاردنەکان گفتوگۆکرا و ئامادەبوان دوپاتیان کردەوە کە تەواوى هەوڵەکانیان بەگەڕ دەخەن بۆسەرخستنى بەرنامەى گۆڕان لەپێناو خزمەتکردنى زیاتر بە خەڵک.