بەریتانیا؛ وەفدێکی بزوتنەوەی گۆران بەشداری حەوتەمین میوانداری ساڵانەی (SME4Labour) دەكات

وەفدێکی باڵای بزوتنەوەی گۆران بەشداری حەوتەمین میوانداری ساڵانەی  (SME4Labour) كرد كە بە ئامادەبوونی سەدان سیاسەتمەدار و نوێنەری لایەنە سیاسییەكان و پەرلەمانتارانی پارتی كرێكاران رێكخرا و لە دیدار و گفتوگۆكاندا روانینی بزوتنەوەی گۆڕان پەیوەست بە دۆزی رەوای كورد و پڕۆسەی دیموكراسی و پێویستی پاڵپشتی وڵاتان بۆ پشتیوانی لە مافە رەواكانی گەلی كورد رونكرایەوە.

لەم کۆنفرانسە پشتگیری لە گفتوگۆی بنیاتنەر و ئاگادارانە دەکرێت لەناو بزووتنەوەی کرێکاران و SME4Labour هەوڵدەدات پەیوەندییەکانی خاوەن بزنسەكان و پارتی کرێکاران بەهێز بکات و ئامانجی ئەم کۆنفرانسە لە نزیکەوە لەگەڵ سەندیکاکان، گروپەکانی خاوەنکاران و تاکەکان کاردەکەن، هاندەری هاوبەشی و هاوکاری بەهێزبن، هاوكات دەرفەتێکە بۆ یەکترناسین و گوێگرتن لە وتاری سەركەوتنەكان.
لە دیدارەکەدا جگە زیاتر لە ٢٠٠ پەرلەمانتاری بەریتانی و کەسایەتیی کاریگەرو دیاری سیاسیی و ئابوریی و بازرگانیی  و حکومیی ئەو وڵاتە بەشداری کرد لەگەڵ سەدان خاوەن کاری سەربەخۆ بۆ گفتوگۆکردن لەسەر چۆنیەتی بەرەوپێشبردن و دۆزینەوەی هەلی کاری زیاتر بۆ هاوڵاتیان و لەپێناو تێگەیشتنێکی زیاتر لەو ئاڵنگاریانە لە ئارادان لەگەڵ گفتوگۆ و دیداری بنیاتنەرانە.
وەفدی بزوتنەوەی گۆڕان کە لە ١٠ هەڵسوڕاوی دیار پێکهاتبوو گفتوگۆیان کرد لەگەڵ چەندین پەرلەمانتار و خاوەنکارو کەسایەتی سیاسی بۆ هاوبەشیکردنی بیروڕا وە خستنەڕووی کێشەکانی کورد بەگشتی و دۆخی ئێستای ڕۆژئاوای کوردستان بەتایبەتی.
ڕیکخەری ژووری ڕەوەندی کوردی بەناوی بزوتنەوەی گۆڕان سوپاسی سەرۆک و ئەندامانی ڕێکراوی SME4Labour کرد بۆ ئەوەی لە سەرجەم کۆنفرانسەکانیان گرنگی تایبەت بە بەشداری بزوتنەوەی گۆڕان دەدەن و خەڵاتی پارێزگای سلێمانیش لە پای هەماهەنگییە بەردەوامەکانیان؛ پێشکەش بە ئیبراهیم دۆگاس بەڕێوەبەری گشتیی و ڕێکخەری گشتیی دیدارەکە کرد.