ئەنجومەنی بزوتنەوەی گۆڕان لە لەندەن دۆخی سیاسی و دۆخی ناوخۆیی لەگەڵ وتەبێژی گۆڕان تاوتوێ دەكەن

بژاردەیەكی دیار لە هەڵسوڕاوانی شاری لەندەنی بزوتنەوەی گۆڕان، دۆخی سیاسی هەرێمی كوردستان و پیشهات و گۆڕانكارییەكانی ناوچەكە و دۆخی ناوخۆیی لەگەڵ وتەبێژی فەرمی بزوتنەوەی گۆڕان تاوتوێ دەكەن.

دلێر عەبدولخالق، وتەبێژی فەرمی بزوتنەوەی گۆڕان و رێكخەری ژووری ڕۆژنامەوانی، لەگەڵ خستنەڕوی دوایین پێشهات و گۆڕانكارییەكان و دۆخی سیاسی، ئاماژەی بە ئامادەكارییەكان بۆ بەستنی سێیەم كۆنفرانسی نیشتمانی و چۆنیەتی هەنگاونان بۆ روبەڕوبونەوەی ئاڵنگارییەكان و قۆناغی نوێی كاری سیاسی بزوتنەوەی گۆڕان و رۆڵ و كاریگەری رەوەندی كوردی، كرد.

لای خۆیەوە فوئاد جمال  رێکخەری ژووری رەوەندی کوردی، تیشکی خستە سەر هەنگاوەکانی ئایندەی بزوتنەوەی گۆڕان و شێوەی خۆڕێکخستنەوەی ئۆرگانی بزوتنەوەی گۆڕان و رێكارەكانی خۆنوێكردنەوەی لە دایالۆگێکی هەمەلایەنەدا بۆ ئامادەبوان ڕوون کردەوە.

بەشداربوانی کۆبونەوەکە لەسەر چەندین پرسی هەمەجۆر و بابەتی ڕۆژ و خۆڕیکخستنەوەی ئۆرگانەکان و هەنگاونان بەرەو کۆنفرانسی سێی نیشتمانی سەرنج و تێبینی دید و تێڕوانینەكانیان خستەڕو، بەشێویەك گفتوگۆ و شیكاریی بابەتیانە بۆ تەوەرەكانی گفتوگۆ كرا بەشێوەیەك ببێتە جێی ئومێد بۆ داهاتوو.