فینلاند؛ نوێنەرایەتی بزوتنەوەی گۆڕان دۆخ و داواكاری رەوەندی كوردی دەگەیەنێتە باڵیۆزی عێراق

ئەنجومەنی فینلاندی بزوتنەوەی گۆڕان لەسەر بانگهێشتی فەرمی باڵیۆزی عێراق لە وڵاتی فینلاند، بەشداری كۆبوونەوەیەكی لایەنە سیاسی و عێراقییەكان و باڵیۆزخانەكەی كرد كە بە ئامادەبوونی جێگری وەزیری دەرەوەی عێراق بەڕێوەچوو.

لەو دیدار و كۆبوونەوەیەدا گفتوگۆكرا لەبارەی دۆخی رەوەندی كوردی و پرسی كۆچبەران و تێیدا سیروان سابیر و لوقمان وەیس كە بە نوێنەرانی بزوتنەوەی گۆڕان بەشداربون، یاداشت و پەیامی نوێنەرایەتیەكەیان پەیوەست بە دۆخ و گوزەران و پێداویستی و داواكارییەكانی رەوەندی كوردی و پرسی بەزۆر ناردنەوەی كۆچەبەران لە وڵاتانی ئەوروپا و چارەسەری پرسەكانیان پێشكەش كرد.

لای خۆیەوە باڵیۆزی عێراق پێشوازی لە بیرۆكە و پەیامی نوێنەرانی بزوتنەوەی گۆران كرد.
بزوتنەوەی گۆڕان رەوەندی كوردی بە پایە و سەرمایەیەكی گرنگ دەزانێت و لە سەرجەم بۆنە و دیدار و كۆبونەوەكان لەگەڵ نوێنەرایەتی وڵاتان و لایەنە پەیوەندیدارەكان پێداگری لەسەر خزمەت و جێبەجێكردنی داخوازییەكانیان دەكاتەوە.