١٠ی ٤ی ٢٠٢٥ بزوتنەوەی گۆڕان کۆنفرانس دەبەستێت

بزوتنەوەی گۆڕان بە فەرمی و لەلایەن كۆمیسیۆنی باڵای هەڵبژاردنەكانی عێراقەوە ئاگاداركرایەوە بۆ بەستنی كۆنفرانسی نیشتمانی لە (١٠ی ٤ی ٢٠٢٥) و رێپێدراوی بزوتنەوەكەش لە ئۆفیسی کۆمسیۆنی باڵای سەربەخۆی هەڵبژاردنەکانی عێراق رایدەگەیەنێت؛ هەمو ئامادەکارییەکانمان تەواو کردوە بۆ ئەوەی لەژێر ڕاسپاردە و ڕێنماییەکانی فەرمانگەی پارت و رێکخراوە سیاسییەکانی کۆمسیۆنی باڵای سەربەخۆی هەڵبژاردنەکان و ئۆفیسی پارێزگای سلێمانی کۆمسیۆن لەو رۆژەدا کۆنفڕانس ببەستین.

رێپێدراوی بزوتنەوەی گۆڕان لە ئۆفیسی سلێمانی کۆمسیۆنی باڵای سەربەخۆی هەڵبژاردنەکانی عێراق رایدەگەیەنێت؛ بزوتنەوەی گۆڕان لە رۆژی (10/4/2025) کۆنفڕانسی نیشتیمانی دەبەستێت و لەوبارەیەوە ئەمڕۆ (٤ی٤ی ٢٠٢٥) نوسراوی فەرمی کۆمسیۆنمان بەدەست گەیشت.

رۆڤان سەروەت، رێپێدراوی بزوتنەوەی گۆڕان لە ئۆفیسی سلێمانی کۆمسیۆنی باڵای سەربەخۆی هەڵبژاردنەکان بە کەی ئێن ئێن-ی راگەیاند؛ ئەمڕۆ هەینی (4/4/2025) لەژێر راسپاردەی بڕیاری سەرۆکی کۆمسیۆنی باڵای سەربەخۆی هەڵبژاردنەکانی عێراق و پاڵپشت بە نوسراوی فەرمانگەی پارت و رێکخراوە سیاسییەکان ژمارە (875)، لە رێککەوتی (27/3/2025)، بە فەرمی ئاگادار کراینەوە بۆ بەستنی کۆنفڕانسی نیشتمانی بزوتنەوەی گۆڕان لە رۆژی پێنجشەممە (10/4/2025).

وتیشی:"وەکو بزوتنەوەی گۆڕان هەمو ئامادەکارییەکانمان تەواو کردوە بۆ ئەوەی لەژێر ڕاسپاردە و ڕێنماییەکانی فەرمانگەی پارت و رێکخراوە سیاسییەکانی کۆمسیۆنی باڵای سەربەخۆی هەڵبژاردنەکان و ئۆفیسی پارێزگای سلێمانی کۆمسیۆن لەو رۆژەدا کۆنفڕانس ببەستین".