بزوتنەوەى گۆڕان پەیامێک ئاڕاستەى یەکگرتووى ئیسلامى دەکات

بزوتنەوەى گۆڕان پەیامێکی پیرۆزبایی ئاڕاستەى یەکگرتووى ئیسلامى كوردستان دەکات و دەڵێت: هیوای سەرکەوتنتان بۆ دەخوازین و ئومێدەوارین ئەم یادە ببێتە دەرفەتێک بۆ گەڕانەوە بۆ کاری پێکەوەیی و پتەوکردنی پەیوەندییەکان، هەروەک لە قۆناغی ئۆپۆزسیۆنی سیاسیدا پێکەوە توانیمان خزمەتێکی بەرچاو بە هاونیشتمانیان و پرۆسەی دیموکراسیی هەرێمی کوردستان بکەین.
بزوتنەوەی گۆڕان دەڵێت: بەرپرسیارێتی ئەم قۆناغە لەسەر شانی لایەنە سیاسییەکانە، کە لە ڕێگەی گفتوگۆیەکی بنیاتنەرانە و کاری هاوبەشەوە، پەلە بکەین لە چارەسەرکردنی کێشەکان و کاراکردنەوەی دامەزراوەکان و یەکخستنی گوتاری کوردستانی بۆ پاراستنی دەستکەوتەکان و دابینکردنی ژیانێکی شایستە بۆ خەڵکی کوردستان.

دەقی پەیامەكە:
بەڕێزان لە یەکگرتووی ئیسلامی كوردستان

بەناوی بزوتنەوەی گۆڕانەوە، گەرمترین پیرۆزبایی خۆمان ئاراستەی ئەمینداری گشتی و سەرکردایەتی و ئەندام و لایەنگرانتان دەکەین، بەبۆنەی یادی (٣٢)هەمین ساڵیادی ڕاگەیاندنی یەکگرتووی ئیسلامی كوردستان.

لەکاتێکدا، هیوای سەرکەوتنتان بۆ دەخوازین و ئومێدەوارین ئەم یادە ببێتە دەرفەتێک بۆ گەڕانەوە بۆ کاری پێکەوەیی و پتەوکردنی پەیوەندییەکان، هەروەک لە قۆناغی ئۆپۆزسیۆنی سیاسیدا پێکەوە توانیمان خزمەتێکی بەرچاو بە هاونیشتمانیان و پرۆسەی دیموکراسیی هەرێمی کوردستان بکەین.

بەرپرسیارێتی ئەم قۆناغە لەسەر شانی لایەنە سیاسییەکانە، کە لە ڕێگەی گفتوگۆیەکی بنیاتنەرانە و کاری هاوبەشەوە، پەلە بکەین لە چارەسەرکردنی کێشەکان و کاراکردنەوەی دامەزراوەکان و یەکخستنی گوتاری کوردستانی بۆ پاراستنی دەستکەوتەکان و دابینکردنی ژیانێکی شایستە بۆ خەڵکی کوردستان.

دووبارە پیرۆزە و هەر سەرکەوتوو بن.

بزوتنەوەی گۆڕان
٧ی ٢ی ٢٠٢٥