هەڵەبجە؛ وەفدێكی گۆڕان سەردانی مەڵبەندی یەکگرتووی ئیسلامی کوردستان دەكات

ئەمڕۆ سێشەممە (21ی4ی2026)، وەفدێکی مەکۆی هەڵەبجەی بزوتنەوەی گۆڕان كە پێكهاتوون لە ڕێبەند ئەحمەد سەرپەرشتیاری مەکۆ و سکرتێر و ئەندامانی ئەنجومەنی قەزا، سەردانی مەڵبەندی هەڵەبجەی یەکگرتووی ئیسلامی کوردستانیان کرد و لەلایەن شێخ حەسەن بەرپرسی مەڵبەند و ئەندامانی دەستەی کارگێڕییەوە پێشوازییان لێکرا.

لە دیدارێكدا گفتوگۆ كرا لەبارەی هەنگاوەكانی بزوتنەوەی گۆڕان دوای بەستنی كۆنفرانس و پتەوكردنی پەیوەندیەكان بە ئامانجی خزمەتكردنی خەڵك.

هاوكات دۆخ و گوزەرانی هاوڵاتیان بەتایبەت پێداویستیەكانی پارێزگای هەڵەبجە و خەڵكەكەی تاوتوێكرا و پێویستی هەماهەنگی لایەنە سیاسییەکان لەپێناو خزمەتکردنی زیاتری شارەکە دوپاتكرایەوە.