ئەنجومەنی سیاسی هەڵبژێردرا

بە دەنگی زۆرینەی ئەندامان و لە دووەم كۆبوونەوەی جڤاتی نیشتمانی، ئەنجومەنی سیاسی بزوتنەوەی گۆڕان هەڵبژێردران.

بەپێی دەستوری پەسەندكراوی كۆنفرانس لە (16ی2ی2026)، ئەنجومەنی سیاسی ئۆرگانی باڵای جێبەجێكردنی بڕیارەكانی كۆنفرانس و جڤاتی نیشتمانی بزوتنەوەی گۆڕانە، ژمارەی ئەندامانی بە ڕێكخەری گشتیەوە (7) حەوت كەسە لەناو جڤاتی نیشتمانی هەڵدەبژێرێن.

لە خولی یەكەمی ئەنجومەنەكەدا جگە لە ڕیكخەری گشتی هەریەكە لە (نەسرین جەمال ـ كارگێڕی جڤاتی نیشتمانی، دلێر عەبدولخالق حاجی عبدالرحمن ـ بەرپرسی كاروباری ڕاگەیاندن، شاخەوان ڕەئوف مستەفا میران (شاخەوان ڕەئوف بەگ) ـ بەرپرسی كاروباری ڕیكخستن، جەعفەر عوسمان عەلی  (جەعفەر خەیات) ـ بەرپرسی كاروباری دامەزراوەكان، ڕۆڤان سەروەت ئیبراهیم ـ بەرپرسی كاروباری پەیوەندیەكان و بەختیار کەریم عەلی ـ بەرپرسی كاروباری خەڵك) لە رۆژی (28ی4ی2026) لە دووەم كۆبونەوەی جڤاتی نیشتمانی لەدوای بەستنی كۆنفڕانس هەڵبژێردران.