شاندێكی مەكتەبی سیاسی پارتی سۆسیالست سەردانی مەكۆی سەرەكی گۆڕان دەكات

بزوتنەوەی گۆڕان و حزبی سۆسیال دیموكراتی كوردستان گفتوگۆی دۆخی سیاسی و دواین پێشهات و ئاڵنگاریەكان دەكەن و جەخت لە پێویستی وەلانانی بەرژەوەندییە حزبیەكان و دەربازبوون لە چەقبەستوویی سیاسی دەكەنەوە.

ئەمڕۆ چوارشەممە (٨ی٧ی٢٠٢٦)، شاندێكی مەكتەبی سیاسی حزبی سۆسیال دیموكراتی كوردستان سەردانی مەكۆی سەرەكی بزوتنەوەی گۆڕانیان كرد لە شاری سلێمانی و لەلایەن ژمارەیەك لە ئەندامانی ئەنجومەنی سیاسی و جڤاتی نیشتمانیەوە پێشوازیان لێكرا.

لە دیدارێكدا؛ پەیوەندیەكانی هەردولا، دۆخی سیاسی و گۆڕانكارییەكانی ناوچەكە و پێشهات و ئاڵنگارییەكان گفتوگۆیان لەبارەوە كرا، هاوكات شاندی میوان پڕۆژەی ئەنجومەنی باڵای سیاسی هەرێمی كوردستان بۆ پرسە نەتەوەیی و نیشتمانیەكانیان خستەڕو، گفتوگۆی ناوەڕۆك و ئامانجەكانی كرا.

لای خۆیەوە شاندنی بزوتنەوەی گۆڕان لەگەڵ خستنەڕوی دید و بۆچونەكانی پەیوەست بە دۆخی سیاسی و پێویستی دەربازكردنی هەرێمی كوردستان لە چەقبەستنی سیاسی و كاراكردنەوەی دامەزراوە شەرعیەكان، پشتیوانی خۆی بۆ هەر پڕۆژە و پێشنیازێك دوپاتكردەوە كە خزمەت بە بەرژەوەندیە باڵاكانی خەڵك و هەرێمی كوردستان بكات و ئامانج و كارەكانی بۆ پشتیوانی بەهێزكردنی دامەزراوە شەرعییەكان و بەدەستهێنانی مافی خەڵك و شایستە دەستورییەكانی هەرێمی كوردستان بێت.