به‌ریتانیا پشتیوانی‌ له‌ پڕۆژه‌ی‌ چاكسازی‌ ده‌كات له‌ هه‌رێم

18/06/2019

ئه‌مڕۆ (سێشه‌ممه‌)، سارا مارش سكرتێری‌ یه‌كه‌می‌ سیاسی‌ له‌  كونسوڵخانه‌ی‌ به‌ریتانیا له‌ هه‌رێمی‌ كوردستان سه‌ردانی‌ بزوتنه‌وه‌ی‌  گۆڕانی‌ كرد و له‌گه‌ڵ هه‌ریه‌ك له‌ محه‌مه‌د تۆفیق ره‌حیم ئه‌ندامی‌
خانه‌ی‌ راپه‌ڕاندن و وشیار عومه‌ر عه‌لی‌ رێكخه‌ری‌ ژوری‌ په‌یوه‌ندییه‌ دیپلۆماسییه‌كانی‌ گۆڕان كۆبوه‌وه‌.

له‌دیداریكدا گفتوگۆ كرا له‌باره‌ی‌ هه‌نگاوه‌كانی‌ پێكهێنانی‌ كابینه‌ی‌ نۆیه‌می‌ حكومه‌تی‌ هه‌رێم و جه‌خت كرایه‌وه‌ له‌سه‌ر گرنگیی‌ ئه‌نجامدانی‌ چاكسازیی‌ ریشه‌یی‌ سیاسی‌ و ئابوری‌ و په‌یوه‌ندیی نێوان پارته‌
سیاسییه‌كان.

سارا مارش سكرتێری‌ یه‌كه‌می‌ سیاسی‌ له‌ كونسوڵخانه‌ی‌ به‌ریتانیا  ئاماده‌یی‌ وڵاته‌كه‌ی‌ پیشاندا بۆ ئه‌نجامدانی‌ چاكسازی‌ له‌ هه‌رێم و  په‌له‌كردنی‌ له‌پێكهێنانی‌ كابینه‌ی‌ نوێی‌ حكومه‌ت.

بزوتنه‌وه‌ی‌ گۆڕانیش جه‌ختی‌ كرده‌وه‌ له‌سه‌ر گرنگیدان به‌ به‌رنامه‌ی‌ حكومه‌ت و ده‌ستینشانكردنی‌ كاری‌ له‌پێشینه‌ بۆ كابینه‌ی‌ نوێی‌ حكومه‌ت،  ئاماژه‌ به‌وه‌شكرا كه‌ گۆڕان له‌ كاتی‌ خۆیدا تیمی‌ حكومه‌ت ئاماده‌  ده‌كات بۆ ئه‌وه‌ی‌ له‌نێو په‌رله‌ماندا په‌سه‌ند بكرێن و له‌ كابینه‌ی‌  نوێدا ده‌ستبه‌كاربن بۆ جێبه‌جێكردنی‌ به‌رنامه‌ی‌ چاكسازی‌.


هەواڵی زیاتر