بزوتنەوەی گۆڕان و یەکگرتوی ئیسلامی کۆبونەوە

بزوتنەوەی گۆڕان و یەکگرتوی ئیسلامی کوردستان کۆدەبنەوەو جەخت لەسەر پاراستنی قەوارەی هەرێمی کوردستان دەکەنەوە.

سەرلەبەیانی ئەمڕۆ دوشەممە، عومەر سەید عەلی، رێکخەری گشتی بزوتنەوەی گۆڕان و شاندێکی یاوەری سەردانی یەکگرتوی ئیسلامی کوردستانیان کرد لە سلێمانی و لەلایەن سەڵاحەدین بەهائەدین، ئەمینداری یەکگرتوی ئیسلامیی و بەرپرسانی ئەو حیزبەوە پێشوازییان لێکرا.

پەیامنێری (سبەی) رایگەیاند؛ لەو کۆبونەوەیەدا تاوتوێی هەلومەرجی ئێستای هەرێمی کوردستان و عێراق و ناوچەکە دەکرێت و جەخت دەکرێتەوە لەسەر پاراستنی قەوارەی هەرێمی کوردستان و تەبایی و یەکڕیزیی.

لە کۆبونەوەکەدا گفتوگۆ لەسەر په‌یوه‌ندییه‌كانی نێوان بزوتنه‌وه‌ی گۆران و یه‌كگرتوی ئیسلامی بەتایبەت و لایه‌نه‌ سیاسیه‌كان به‌ گشتی كرا و جه‌خت له‌سه‌ر ئه‌وه‌ كرایه‌وه‌ كه‌ ئه‌ركی لایه‌نه‌كان له‌م قۆناغه‌دا قورس و هه‌ستیارەدا کار بکرێت بۆ تێپه‌راندنی ساڵانی پڕ له‌ كێشه‌ و گرفته‌كان و خزمه‌تکردنی هاوڵاتیان.

بەپێی راگەیەندراوێکی نوسینگەی ئەمینداری گشتی یەکگرتوی ئیسلامی لە کۆبونەوەکەدا جەختکراوەتە لەسەر ئەوەی ده‌بێت لایه‌نه‌كان به‌ ئۆپۆزسیۆن و ده‌سه‌ڵاته‌وه‌ رۆڵ و ئه‌ركی سه‌ره‌كی خۆیان به‌ جێبهێنن و هه‌نگاوی كاریگه‌ر بنێن بۆ چاكسازیی راسته‌قینه‌ و كۆتایهێنان به‌ نه‌هامه‌تیه‌كان و‌ پێویسته‌ هه‌م یه‌كگرتو وه‌ك ئۆپۆزسیۆن و هه‌م لایه‌نه‌كانی به‌شدار له‌ حکومەت رۆڵی ئه‌رێنی له‌ خزمه‌تكردنی هاوڵاتیان ببینن وه‌ هه‌ستیاری قۆناغه‌كه‌ش له‌به‌رچاو بگرن

له‌ به‌شێكیدیکەی کۆبونەوەکەدا تیشكخرایه‌ سه‌ر بارودۆخی عێراق و هه‌رێم و ناوچه‌كه‌ و پرۆسه‌ی ئاشتی له‌ توركیا، رۆڵی لایه‌نه‌ سیاسیه‌كانی باشوری كوردستان له‌ پێناو به‌ره‌و پێشچونی پڕۆسه‌ی ئاشتی له‌ توركیا به‌ گرنگ زانراو جه‌ختكرایه‌وه‌ كه‌ پێویسته‌ لایه‌نه‌ سیاسیه‌كانی باشور رۆڵی خۆیان ببینن.

سلێمانی/ بڕیار نامیق