گۆڕان و كۆمەڵ جەخت لەسەر كاری پێكەوەیی دەكەنەوە

وەفدێكی باڵای كۆمەڵی ئیسلامی سەردانی بزوتنەوەی گۆڕانی كرد و هەردولا جەختیان لەسەر كاری پێكەوەیی کردەوە.

 ئەمڕۆ پێنجشەممە، وەفدێكی باڵای كۆمەڵی ئیسلامی کوردستان، سەردانی مەکۆی سەرەکیی بزوتنەوەی گۆڕانیان كرد لە شاری سلێمانی، لەلایەن رێكخەری گشتی و ئەندامانی خانەی راپەڕاندنەوە پێشوازیان لێكرا.

محەمەد حەكیم بەرپرسی دەستەی كارگێڕیی ئەنجومەنی سیاسیی كۆمەڵی ئیسلامیی كوردستان، لەبارەی سەردانەکەوە بە رۆژنامەنوسانی راگەیاند: دۆخی سیاسی و پرسی پەیوەندییەكانی نێوانیان و كاری هاوبەش و پێكەوەیی  تەوەری سەرەكی كۆبونەوەكە بو.
لای خۆیەوە دەرباز محەمەد، ئەندامی خانەی راپەڕاندنی بزوتنەوەی گۆڕان راگەیاند: پێشتریش لەگەڵ كۆمەڵی ئیسلامی كاری پێكەوەیی هاوبەشیان هەبوە، بەڵام ئێستا جیاواز لە جاران دەیانەوێت یەك هەڵوێست بن لەسەر ئاستی پرسە سیاسییەكان و بەتایبەت فراكسیۆنەكانیان هەماهەنگی زیاتر بكەن لە پەرلەمانی كوردستان و ئەنجومەنی نوێنەرانی عێراق .

سلێمانی/ بڕیار نامیق