لایەنە سیاسییەکان لەسەر یەک لیستى و ناوى لیستە کوردیەکە رێککەوتن
28/09/2019
لایەنە سیاسییەکان لە کۆبونەوەکەى شارى هەولێر لەسەر یەکلیستى و ناوى
ئەو لیستە کوردیە رێککەوتن کە بڕیارە لایەنە کوردییەکان بەشدارى
هەڵبژاردنەکانى ئەنجومەنى پارێزگاکانى عێراقى پێ بکەن.
پەیامنێرى (سبەى) لە هەولێر رایگەیاند؛ لیستەکە ناوى (هاوپەیمانى
کوردستانى) دەبێت و هەر لەو بارەیەوە عەبدولستار مەجید بە (سبەى) راگەیاند؛
لایەنە بەشدارەکان رێککەوتن لەسەر ئەوەى ناوى ئەو لیستە (هاوپەیمانى
کوردستانى) بێت و لیژنە هونەرییەکان لە ژور و دەزگاى هەڵبژاردنەکانى
حیزبەکان کۆ دەبنەوە بۆ دانانى لۆگۆیەک بۆ ئەم لیستە و رەنگەکەى هەروەها
راسپاردنى کەسێک کە کارەکانى رایى بکات، "بەڵام هێشتا رێککەوتن لەسەر
سەرۆکى لیستەکە ماوە و لە کۆبونەوەى داهاتودا یەکلایى دەکرێتەوە".
وتیشى :"ئەمڕۆ رێکارە هونەرییەکان لەلایەن نوینەرى ژور و دەزگاى
هەڵبژاردنەکانى حیزبەکانەوە دیاریدەکرێت و لە کۆبونەوەى داهاتودا
پێشنیازەکان لەسەر ناوى سەرۆکى لیستەکە لە کام حیزب بێت وە لۆگۆ و رەنگى
لۆگۆکە چۆن بێت گفتوگۆیان لەبارەوە دەکرێت".
هاوکات لە بەلاغى کۆتایى کۆبونەوەکەدا هاتوە؛ بڕیاردرا کە بە یەک لیست
لەژێر ناوى لیستى هاوپەیمانى کوردستانى بەشدارى هەڵبژاردنەکە بکەین لە
(کەرکوکـ،موسڵ، دیالە و سەڵاحەدین).
هاوکات ئاماژە بەوە کراوە کە بەشدارانى کۆبونەوەکە تەئکیدیان کردەوە لەسەر
ئاساییکردنەوەى بارودۆخى ناوچە کێشە لەسەرەکان لەپێش هەڵبژاردنەکان.
هەولێر/ بڕیار نامیق
دەقى بەلاغەکە: