عوسمان بایده‌میر: هه‌تا كورد و كوردستان هه‌بێت فیداكاری نه‌وشیروان مسته‌فا له‌یاد ناكات

عوسمان بایدەمیر، پەرلەمانتاری پێشو و سیاسەتمەداری باکوری کوردستان رایگەیاند: تا کورد و کوردستان بمێنێت، خەباتکار و گیانفیدایی نەوشیروان مستەفا لەبیر ناکات.

ئەمڕۆ پێنجشەممە، دوای کۆبونەوەی لەگەڵ رێکخەری گشتی و ئەندامانی خانەی راپەڕاندن، عوسمان بایدەمیر تاجەگوڵینەی رێزلێنانی لەسەر ئارامگەی نەوشیروان مستەفا دانا و رایگەیاند: ئێستا لەسەر ئارامگەی نەوشیروان مستەفام، کە خەباتکارێکی کوردە، هەتا کورد و کوردستان مابێت گیانفیدایەکی خۆی لەبیر ناکات.

وتیشی :"هەتا کورد و کوردستان مابێت، ناوی نەوشیروان مستەفا لەناو نەمراندا دەمێنێتەوە".

سوپاسی هەڵویستەکانی بزوتنەوەی گۆڕانی کرد و رایگەیاند: گۆڕان بەشێکە لە رێککەوتن و یەکگرتویی کورد و ئەنجامدانی چاکسازیی لە باشوری کوردستان.

فۆتۆ/ بڕیار نامیق