بزوتنەوەى گۆڕان و یەکێتى نیشتیمانى کوردستان کۆبونەوە .. وتەبێژى گۆڕان ناوەڕۆکى کۆبونەوەکە ئاشکرا دەکات
23/01/2023
هەواڵ و چالاکی
شاندى باڵاى
بزوتنەوەى گۆڕان و یەکێتى نیشتیمانى کوردستان کۆبونەوە و وتەبێژى گۆڕانیش
رایدەگەیەنێت؛ لە کۆبونەوەکەدا هەمو ئەو پرسە هەنوکەیی و ئاڵنگارییانە تاوتوێکران
کە پەیوەندى بە ژیانى هاوڵاتیان و دۆخى سیاسیی هەرێمى کوردستان و ناوچەکە و
پەیوەندى نێوان هەرێم و بەغدا هەیە.
ئەمڕۆ دوشەممە
(23/1/2023)، شاندێکى باڵاى یەکێتى نیشتیمانى کوردستان بە سەرۆکایەتى بافڵ جەلال
تاڵەبانى سەردانى مەکۆى سەرەکى بزوتنەوەى گۆڕانیان کرد و لەلایەن عومەر سەید عەلى
و ژمارەیەک لە ئەندامانى خانەى راپەڕاندن و جڤاتى نیشتیمانیەوە پێشوازیان لێکرا.
دلێر
عەبدولخالق، وتەبێژى بزوتنەوەى گۆڕان لەبارەى ناوەڕۆکى کۆبونەوەکەوە لە لێدوانێکى
رۆژنامەوانیدا رایگەیاند؛ هەمو ئەو پرسە هەنوکەییانە تاوتوێکرانن کە پەیوەندییان بە
ژیان و گوزەرانى هاوڵاتیان و دۆخى سیاسى و ئیدارى و قانونى هەرێمى کوردستان و
میکانیزمى پەیوەندییەکانى حکومەتى هەرێمى کوسدتان و حکومەتى عێراقى ئیتیحادى و ئەو
دۆخە سیاسییەشەوە هەیە کە لە ناوچەکە دەگوزەرێت، لەگەڵ ئەو ئاڵنگاریانەى روبەڕوى نەتەوە
و میلەتەکەمان دەبێتەوە.
ئاشکراشى کرد
کە؛ پەیامى ئێمە ئەوەیە هەرێمى کوردستان پێویستى بە یەکگرتوتى و یەکدەنى هەمو
لایەنە سیاسیەکانە بە لایەنەکانى ئۆپۆزسیۆن و دەسەڵاتەوە و هەمومان بەرپرسیارێتى
هاوبەشمان لەسەرشانە بۆ وەڵامدانەوەى پێداویستى و داواکارییەکانى خەڵکى کوردستان
لە پێشیانەوە باشکردنى پەیوەندییەکانى یەکێتى و پارتى، "چونکە ئێمە سێ
لایەنین کە حکومەتمان پێکهێناوە بەهۆى خراپى پەیوەندییەکانى پارتى و یەکێتیەوە کێشە
بۆ کاروبارەکانى حکومەتیش دروستبوە".
هەروەک ئەوەى
خستەڕو کە لە ئایندەیەکى نزیکدا یەکێتى و پارتى کۆدەبنەوە و "ئەوەى ئێمەش
پێمان بکرێت وەک بزوتنەوەى گۆڕان بۆ باشکردنى پەیوەندى نێوانیان ئەنجامى دەدەین،
چونکە ویستمان سەقامگیربونى دۆخى هەرێمى کوردستانە".