دەقی راگەیەندراوی هاوبەشی کۆبونەوەی گۆڕان و پارتی
16/01/2019
هەواڵ و چالاکی
کۆبونەوەى
شاندى
بزوتنەوەى گۆڕان و پارتى دیموکراتى کوردستان کۆتایى هات و تێیدا بڕیاردراوە
بە پێکهێنانى دو لیژنە، (سبەی) دەقی راگەیەندراوی هاوبەشی هەردولا بڵاو
دەکاتەوە.
نیوەڕۆى سێشەممە، وەفدی پارتی دیموکراتی کوردستان و
بزوتنەوەی گۆڕان لە مەکۆی سەرەکیی گۆڕان لە شاری سلێمانی و کۆبونەوە.
هەردولا بڕیاریان داوە دو لیژنە پێکبهێندرێت کە تایبەت دەبن بە دیاریکردنى کارنامەى حکومەت و پێوەرەکانى پێکهێنانى کابینەى نوێ.
دهقی راگهیهندراوهكه؛
بەلاغی كۆبونەوەی شاندی باڵای پارتی دیموكراتی كوردستان و وەفدی دانوستانكاری بزوتنەوەی گۆڕان
لە درێژەی بەڕێوەچونی هەوڵی پێكهێنانی كابینەی نۆیەمی حكومەتی هەرێمی
كوردستان و خێراتركردنی گفتوگۆكان لەسەر بەرنامەی كابینەی نۆیەم و
پێكهاتەكەی، رۆژی (15)ی(1)ی (2019)، شاندێكی باڵای پارتی دیموكراتی
كوردستان بەسەرۆكایەتی نێچیرڤان بارزانی، جێگری سەرۆكی پارتی دیموكراتی
كوردستان لە سلێمانی، لەگەڵ وەفدی دانوستانكاری بزوتنەوەی گۆڕان
كۆبونەوه.
كۆبونەوەكە لە كەشێكی بەرپرسیارانە و بە گیانی كاری هاوبەش و پێكەوەیی لە
پەلەكردن لە پێكهێنانی حكومەت لەسەر بنەمای تێگەیشتنی تەواو و وەك،
هەردولا لەسەر بنەمای خزمەتگوزاری چاكسازی بنەڕەتی و هەڵگرتنی
بەرپرسیارییەتی، بەڕێوەچو.
هەردولا، كۆكبون لەسەر بونی بەرنامەی هاوبەشی لایەنە بەشداربوەكان و بۆ
ئەو مەبەستەش بڕیاردراوە هەردولا دو لیژنە دروست بكەن، بۆ یەكخستنی روانگەی
بزوتنەوەی گۆڕان و پارتی دیموكراتی كوردستان، لەسەر كارنامەی حكومەت و
لیژنەیەك بۆ دانانی پێوەرەكانی چۆنیەتی بەشداریكردن لە حكومەت.
هەردولا جەختیان كردەوە لەوەی، دەبێت پەلە بكرێت و چیدی پرۆسەی پێكهێنانی حكومەت و رێزگرتن لە ئیرادەی دەنگدەران دوا نەخرێت.
بزوتنەوەی گۆڕان
پارتی دیموكراتی كوردستان