لیژنە هاوبەشەکانی پەرلەمانی کوردستان سەردانی شوێنی تۆپبارانی ناوچە سنوریەکان دەکەن

 لیژنە هاوبەشەکانی پەرلەمانی کوردستان ئەو ناوچە سنوریانە بەسەردەکەنەوە کە لەلایەن تورکیاو ئێرانەوە تۆپباران کراون.

بەڵێن ئیسماعیل ئەندامی پەرلەمانی کوردستان لە فراکسیۆنی گۆڕان ڕایگەیاند: ئەمڕۆ سەردانی  ناوچە سنوریەکانی  چۆمان ،حاجی ئۆمەران وگوندەکانی دەوروبەری و ناحیەی سیدەکان و ناحیەی شێروان مەزن و گوندەکانی  دەوروبەی قەزای مێرگەسوریان کردوە بەمەبەستی ئاگاداربون لە ڕەوشی ناوچەکە.

دەشڵێت: ئەوەی گرنگە  ئەنجام بدرێت بۆ چارەسەری دۆخەکە ئەوەیە، گفتوگۆو لێکتێگەیشتنێکی نیشتیمانی کوردستانیانە لەنێوان حکومەتی هەرێم و هێزە کوردستانیەکانی  باکور و رۆژهەڵاتی کوردستان ئەنجەمبدرێت و  هێزەکانی پاسەوانی سنور بنکەو بارەگاکانیان لە خاڵە سنوریەکان جێگیر بکەن

بەڵێن ئیسماعیل دەشڵێت: پێوستە پەرلەمانی کوردستان، دام و دەزگا پەیوەندیدارەکان بە پێی یاسا نێودەوڵەتیەکان بەرپرسیار بکات، لە قەرەبوی زیانە گیانی  و مادیەکانی گوندەکانی ئەو سنورانە کە زەرەر مەند بون وحکومەتی عێراق و حکومەتی هەرێم هەمو هەوڵەکانیان بخەنە گەر بە راگرتن ودوبارەنەبونەوەی ئەو تۆپباران و داگیرکاریانە.